Дастан Догоев: “Биометрикалык маалыматтардын базасы иштей баштаганда фамилияны алмаштыруу, жашаган жерде каттоого туруу жеңилдетилет”

Бүгүн, 23-сентябрда “Жарандардын биометрикалык маалыматтарын каттоо” жыйынында КРнын Каттоо кызматынын башчысынын орун басары Дастан Догоев: “Биометрикалык маалыматтардын реестри түзүлгөн соң жарандар бир гана паспортко ээ болушат”,- деп билдирди.

Анын айтымында, буга чейин айрым жарандар бир убакытта бир нече паспортторго ээ боло алган. “Мисалы, жакында Бишкекте бир ди-джей каза тапкан эле. Анын аты-жөнүн аныктап жатканда анын 4 паспорту бар экени белгилүү болгон. Ал эми биометрикалык маалыматтардын базасы иштей баштаганда фамилияны алмаштыруу, жашаган жерде каттоого туруу жеңилдетилет жана катталган жерге баруу милдетин жок кылат”,- деп түшүндүрдү Догоев.

Автор: Нургазы Аматов
Фото: Нургазы Аматов