Японияда кыргыз тилин мыкты билген жарандарга кароо-сынак жарыяланды

Япониядагы Кыргызстандын элчилиги Күн Чыгыш өлкөсүндө кыргыз тилин мыкты билген жарандарга кароо-сынак жарыялады. КРнын Тышкы иштер министрлиги бүгүн, 23-сентябрда билдиргендей, сынак Токио шаарында өткөрүлөт. Кыргызстандын Билим берүү жана илим министрлигинин алдындагы Улуттук тест жүргүзүү борборунун "Кыргызтест" түзүмүнүн өкүлдөрү кароонун жеңүүчүлөрүн аныктап, эстелик белектерин тапшырышмакчы. Кароонун жыйынтыгын чыгаруу жана сыйлыктарды тапшыруу аземи үстүбүздөгү жылдын октябрь айынын аягына пландаштырылды.

Автор: Динара Абдыкадырова
Фото: Интернеттен алынды