Операциядан улам бир эмчексиз калган айым кылмыш иши козголбогондуктан прокурорго кайрыларын билдирди

Операциядан улам бир эмчексиз калган бейтап айым Гүлзина Байтаевада рак илдети жок экени аныкталды. Бул тууралуу бүгүн, 9-октябрда SUPER.KG порталына ал өзү билдирди.

Соттук-медициналык экспертизанын жыйынтыгына таянсак, хирург гистологиялык анализдерди эске албай анын эмчегин кесип салганы тастыкталды.

Бейтаптын айтымында, бул экспертизанын жыйынтыгы боюнча кылмыш иши козголбогондуктан прокурорго кайрыларын билдирди. "Мен тергөөчүгө кайрылсам, ал мени менен байланышуудан баш тартууда. Эмне себептен кылмыш иши козголбой жаткандыгы таң каларлык болуп жатат",- деди Байтаева.

Эскерте кетсек, ушул жылдын 12-августунда бейтап Г.Байтаева маалымат жыйын өткөрүп, "хирург эмчегимди жаңылып кесип салган” деп билдирген. Андан соң 18-августта ал "менин ишимди иликтеп жаткан Улуттук онкология борборунун комиссиясын күнөөлүүлөрдүн биринин атасы жетектеп жатат" деп арызданган. 20-августта КРнын Президентинин аппараты бейтап айымдын ишин калыс иликтөөнү Саламаттыкты сактоо министрлигине табыштаганы белгилүү болгон.

Автор: Нургазы Аматов
Фото: Нургазы Аматов

10:14 09-10-2014

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (2)

nazi0807

2014-10-09 10:26:52

Кейиштуу жана окунучтуу корунуш. Вашка врачткрга сабак боло алат бекен жэ ....

akzuura

2014-10-09 13:26:35

nazi0807, башка врачтар жасап беруу учун дагы толтура акча сурайт качан эле ий байкуш бир кокурогун кесип койуптур ордуна мен жасап берейин деген врачтар болдуле?азыр 1кадам бассанда акча кетет .

Комментарий калтыруу үчүн өз ысымыңыз менен кириңиз же каттоодон өтүңүз.