Күз-кыш мезгилинен ийгиликтүү өтүш үчүн Бишкекке 1 миллион тоннадан ашуун көмүр керек болсо, учурда ушул көлөмдүн 15 пайызы гана бар

Жылытуу мезгилинин ийгиликтүү өтүшү үчүн “Электр станциялар” ишканасы Бишкектин Жылуулук электр борборуна 1 миллион 57 миң тонна көмүр даярдап бериши керек. Бул тууралуу аталган ишкананын басма сөз кызматы билдирди.

Маалыматка ылайык, ушул көлөмдүн 507 миң тоннасы Д үлгүсүндөгү импорттук көмүр, калган 550 миң тоннасы кыргызстандык көмүр болушу пландалган.

Учурда импорттук көмүрдүн 22,2 миң тоннасы даяр. Бир апта мурун КРнын Өкмөтү 487 миң тонна “Шабыркүл” көмүрү боюнча келишим түзгөн. Октябрда бул көмүрдүн 70 миң тоннасы келет.

Кыргызстандык көмүрдүн керектүү көлөмүнүн 500 миң тоннасы “Ковак” көмүр кенинен, 50 миң тоннасы “Таш-Көмүр” кенинен алынып келинмекчи. 350 миң тонна "Ковак" көмүрү боюнча келишим түзүлгөн. Учурда 85,8 миң тоннасы жеткирилген, жакында дагы 70 миң тонна алынып келиниши күтүлүүдө. Ал эми “Таш-Көмүр” кенинин көмүрү боюнча келишим түзүлүп жатат.

Мындан тышкары Бишкектин Жылуулук электр борборунда КРнын Өкмөтүнүн алдындагы Мамлекеттик материалдык резервдер фондунун 40 миң тонна көмүрү сакталууда. Ошондо бул борбордо жалпысынан 150 миң тоннага жакын көмүр бар. Бул күзгү-кышкы мезгилдин ийгиликтүү өтүүсү үчүн керектүү көлөмдүн 15 пайызын гана түзөт.

Автор: Нургазы Аматов

12:21 09-10-2014

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (4)

zman53

2014-10-09 12:34:00

Тендерде уткан Казакстанды комур компаниясы комур туралуу кандай жол менен алынып жаткандыгы туралуу маалымат каражаттары жазып чыгышты.Буга эч ким конул бурган жок!Ошол учун комур жоооок!

Dadin1

2014-10-09 12:53:26

Жанылбасам Бишкек кышка 80% тик даярдыкта деп август айынын башында мэриядагы чиновниктерибиз бакылдап жатат беле?

Ala-Too

2014-10-09 14:19:36

Биздин мыкчыгерлер атайын иш жасабай убакытты созуп отурат да анан аз убакыт калганда мындан башка жол жок деп Куландын радиактивдуу комурун ташып келишет, бул комурдон болунуп чыккан радиактивдуу нурларга миллиондой Бишкектин тургундары ууланса мейли, алар учун акча жогору турат, башка элдер радиактивдуу калдыктарынан кутула албай акча берип башкаларга откоро албай журушот, биздин кемпайлар кайра акчага уулуу-радиактивдуу комур сатып алабыз дейт!!! Эл олсо олуп кетсин дегениби бийликтин!!!

Ala-Too

2014-10-09 14:22:41

Эгерде 2-3 жыл мурунку уулуу комур алып келгендерди жазалап камаганда бул тема кайра которулбойт болуучу, азыр теле-гезиттердин басымдуу болугу ал же бул ишкерлердин колдоосуна, канаты астына, менчигине отуп кеткенине байланыштуу, бийликтен комур тууралуу макала болбосун десе баары ооздорун жаап калууда айрым бир-эки оппозициялык же эркин массалык каражат окулунон башкалары... Бизге уулуу-радиактивдуу комур керекпи же башка иштей турган бийлик керекпи жакшына комур менен камсыздай турган?!!

Комментарий калтыруу үчүн өз ысымыңыз менен кириңиз же каттоодон өтүңүз.