17-октябрга карата Токтогул суу сактагычындагы суунун көлөмү 11 миллиард 811 миллион метр кубду түзүп, былтыркыга караганда 25,93 пайызга аз

17-октябрга карата Токтогул суу сактагычындагы суунун көлөмү 11 миллиард 811 миллион метр кубду түздү. Бул көрсөткүч 2013-жылдын көрсөткүчүнө салыштырганда 25,93 пайызга аз. Бул тууралуу "Электр станциялары" ишканасынын басма сөз кызматынан билдиришти.

Суу сактагычка агып кирген суунун агымы быйыл секундуна 282 метр куб болсо, 2013-жылкы ушул маалдагы көрсөткүч 285 метр кубду түзгөн. Ал эми суу сактагычта сарпталган суунун агымы секундуна 385 метр кубду түзсө, былтыр ал көрсөткүч 315 метр кубду түзгөн.

Эске салсак, өткөн жылы 17-октябрда суу сактагычтагы суунун көлөмү 15 миллиард 946 миллион метр кубду түзгөн.

Автор: Мальвина Уметбекова