Кыргызстандын Бажы биримдигине киришине байланыштуу эт-сүт азыктарынын баалары боюнча тегерек стол өтүп жатат

Бүгүн, 23-октябрда Бишкекте Экономика министрлигинде Кыргызстандын Бажы биримдигине киришине байланыштуу эт-сүт азыктарынын баалары боюнча тегерек стол башталды. Иш-чара аталган министрликтин башчысынын орун басары Данил Ибраевдин жетекчилигинин алдында жүрүп жатат.

Д.Ибраевдин айтымында, бүгүнкү тегерек столго эт-сүт азыктарын өндүрүүчү ишканалардын жетекчилери, дыйкандар жана тиешелүү мамлекеттик мекемелердин мүчөлөрү чакырылган. “Бул иш-чаранын максаты -силердин пикирлериңирди угуп, керектүү иш-аракеттерди көрүү. Бажы биримдигине киргенибизде эт-сүт өндүрүүчү ири ишканалар менен атаандашууга мүмкүнчүлүк болот. Биз кыргызстандык ишканаларга жардам көрсөтүүгө, өнүгүп кетиши үчүн шарттарды түзүүгө ниеттенүүдөбүз”,- деп кайрылды катышуучуларга Ибраев.

Автор: Нургазы Аматов
Фото: Нургазы Аматов