Борбор калаада жол кырсыктарынан улам кыйылган бактардын ордуна эмендин жана кызыл карагайдын көчөттөрү отургузулат

Бишкектин 8-кичи районунда жол-транспорт кырсыгынан улам кыйылган бактардын ордуна эмендин жана кызыл карагайдын көчөттөрү отургузулат. Бул тууралуу бүгүн, 24-октябрда Бишкек мэриясы «Жашылдандыруу» муниципалдык ишканасына шилтеме берүү менен билдирди.

Ошондой эле Токтогул-Абдрахманов көчөлөрүнүн Эркиндик бульварына чейинки аймагына көчөттөрдү отургузуу иштери башталды. Аталган аймакта 24 эмен багынын жана 15 чоң жалбырактуу бактын көчөттөрүн тигүү пландалууда.

Автор: Мальвина Уметбекова