Быйыл көмүрдүн 1 тоннасы 4500 сомго чейин болууда, былтыр баа 3500-3800 сом болгон

Көмүрдүн майдасынын 1 мүшөгү 100-120 сомго чейин болсо, 1 тоннасы 1000 сомдун айланасында. Бул көмүр кыш чыгаруучу мекемелерде же Жылуулук электр борборлорунда колдонулат.

Бензин жана доллар сыяктуу эле базардагы көмүргө болгон баа да былтыркы жылга салыштырмалуу кымбаттоодо. Былтыр 1 тонна көмүр сапатына жараша 1500 сомдон 3500-3800 сомго чейин болсо, учурда анын наркы 1500 сомдон 4000-4500 сомго чейин болууда.

“Кара-Кече”, "Шабыркүл" көмүрүнүн 45-50 килограмм келген 1 мүшөгүнүн баасы 220-250 сомду түзүп жатат. Базардагы көмүр сатуучулардын айтымына караганда, былтыр 1 мүшөк көмүрдүн баасы 270 сомго чейин чыккан. Ал эми “Шабыркүл” көмүрүнүн 1 мүшөгүнүн салмагы 60 килограммга чейин болууда.

“Азыркы учурда Кара-Кечеден көмүр ташып келген алып-сатуучулар көмүрдүн баасын кымбаттатып жатышат. Андан улам биз да анын баасын көтөрүүдөбүз. Айрым маалыматтарга караганда, жакын арада көмүрдүн баасы дагы көтөрүлөт деген божомолдор жүрүүдө. Былтыр жакшы күйгөн көмүрдүн 1 тоннасын 3500-3800 сомго чейин алчубуз. Быйыл анын баасы 4000ге чыкты, ал эми биздин жеткирип берүү кызматыбызды кошкондо 4500 сомго чейин кымбаттап кетип жатат”,- дейт көмүр саткандардын бири Рамис аттуу мырза.

Анын айтымында, көмүрдүн баасы карьерден чыккан баасынан көз каранды. Баанын кымбаттоосуна буга чейин Кеминдеги көзөмөл бекетинде 30га жакын Хово унаасы нормадан ашыкча "Кара-Кече" көмүрүн жүктөп алышканы үчүн бир жумага жакын убакыт кармалып турганы себеп болгон.

Атайын көмүр сатуучу түйүндөрдөгү көмүрдүн 1 тоннасы сапатына жараша 1500 сомдон 4500 сомго чейин. Бүгүн биринчи кар жана сууктун түшүшү менен көмүр 10-20 сомго кымбаттаган. Кечээ 1 мүшөк көмүрдүн баасы 220 сомдон болсо, бүгүн анын баасы 230-250 сомду чапчыды. Ал эми көмүрдүн калбырдан өткөн майдасынын 1 мүшөгү 100-120 сомго чейин болсо, 1 тоннасы 1000 сомдун айланасында. Бул көмүрдү кыш чыгаруучу мекемелер же Жылуулук электр борборлору колдонууда. Ошондой эле отундун 1 мүшөгүнүн баасы 180-200 сомдун тегерегинде, ал эми былтыр анын баасы 150 сомдун айланасында болгону маалым.

Автор: Мальвина Уметбекова
Фото: Мальвина Уметбекова

19:05 27-10-2014

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (3)

sagyn01

2014-10-28 04:47:57

Ноокатта баары ен арзан 6000 сомдон сатып алышып жатат

Shai

2014-10-28 13:38:51

Бугун мен комур алайын деп Ош шаарынын бут жерин кыдырдым арзаны 6 сомдон 6,5 сомго чейин сатылып атат. Жанылыктардан берип жатат 5 сомдон сатылып жатат комур деп. Ошол комурдун дарегин жазып калтыргылачы барып алайын.

Kalin466

2014-10-28 14:11:32

Былтыр региондордо 7000ге чейин чыккан. 3600сом деп кайдага бааны айтасынар? Же Бишкекте ушундай баа беле?

Комментарий калтыруу үчүн өз ысымыңыз менен кириңиз же каттоодон өтүңүз.