Роза Отунбаева: "Казы Дыйканбаевдин ишмердүүлүгү азыркы чиновниктерге үлгү болуш керек"

Бүгүн, 29-октябрда Бишкектеги Т.Сатылганов атындагы Кыргыз улуттук филармониясында белгилүү мамлекеттик жана коомдук ишмер Казы Дыйканбаевдин 100 жылдык мааракесине карата эскерүү кечеси өткөрүлдү. Иш-чарага К.Дыйкамбаев атындагы Дипломатиялык академиянын окутуучулук курамы, КРнын биринчи вице-премьер-министри Тайырбек Сарпашев, Кыргызстандын экс-президенти Роза Отунбаева, КРнын Президентинин аппаратынын өкүлдөрү, мамлекеттик жана коомдук ишмерлер, маданият кызматкерлери, студенттер жана массалык маалымат каражаттары катышты.

Салтанаттуу иш-чарада К.Дыйкамбаевдин басып өткөн жолу чагылдырылган даректүү тасма көрсөтүлдү.

Роза Отунбаева өз сөзүндө: “Казы Дыйканбаев өлкөдөгү көрүнүктүү объектилердин, өнөр жай ишканаларынын, биз турган Улуттук филармониянын курулушуна зор салым кошкон. Анын өлкөгө кошкон салымы, ишмердүүлүгү азыркы чиновниктерге үлгү болуш керек. Ал билимдүү инсан эле. Эгер Москвада Байбаков болсо, бизде К.Дыйканбаев кыргыз экономикасынын локомотиви болчу. "Кыргыз википедиясында" К.Дыйканбаевдин аты жазылбаптыр, бул өкүнүчтүү, муну колго алып, оңдош керек”,- деди.

Казы Дыйканбаев 1913-жылы Түп районунун Талды-Суу айылында туулган. Ал Караколдогу кыргыз-орус мектебинин 4-классын аяктап, окуусун Бишкекте уланткан.

1937-жылы Ташкент эл чарба институтун бүтүрүп, эмгек жолун Кыргыз ССР Мамлекеттик пландоо комиссиясында экономист болуп баштаган. Андан кийин Кыргыз ССР Эл Комиссарлар Советинин төрагасынын орун басары, Кыргыз ССРинин туңгуч Тышкы иштер министри, Кыргыз ССР Мамлекеттик пландоо комитетинин төрагасынын орун басары болуп иштеген.

Автор: Динара Абдыкадырова
Фото: Динара Абдыкадырова

14:02 29-10-2014

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (2)

myrza80

2014-10-29 18:56:12

Роза эже акылына эми кирипи ушу акылны эртерээк колдонгондо Ошто миндеген адам олбойт болчу.Бул созго далил интернетте Шамил Атахановтун суйлогон созу бар.

myrza80

2014-10-29 18:59:03

Эмне суроттогу жазуу Бишкеке келенден кийинки фамилясыбы Дикамбаев деп.

Комментарий калтыруу үчүн өз ысымыңыз менен кириңиз же каттоодон өтүңүз.