Жалал-Абадда мыкты милиция кызматкерлерине Ардак грамоталар тапшырылды

Бүгүн, 31-октябрда Жалал-Абад шаарында милиция кызматкерлеринин 90 жылдык майрамы белгиленди. Салтанат концерттик программалар менен коштолуп, мыкты милиция кызматкерлерине Ардак грамоталар, Алкыш барактары жана акчалай сыйлыктар берилди. Бул тууралуу шаардык мэриянын басма сөз кызматы билдирди.

Жалал-Абад ОИИБинин жетекчиси Жеңишбек Жоробеков милиция кызматкерлеринин 90 жылдык майрамына карата бир топ иш-чаралар өткөрүлгөнүн айтты. "Спорттук оюндардын түрлөрүн: шахмат, футбол, волейбол, теннис оюндарын уштурдук. Ошондой эле студент, окуучулардан турган жөө жүрүш, 5 чакырымга чуркоо болду. Кайрымдуулук иш-аракеттерин жасап, балдар үйүнө, ден соолугунун мүмкүнчүлүгү чектелгендерге жардамдарды жана согуш ардагерлерине майрамдык белектерибизди берип куттуктадык. Мындан тышкары дагы боло турган иш-чаралар бар",- деди ал.

Автор: Айпери Ганыжан кызы