Республика боюнча тоюттун камсыздалышы 32,8 пайызды түзүп, былтыркы жылга салыштырмалуу 0,5 пайызга төмөн

2014-жылдын 31-октябрына карата республика боюнча тоюттун камсыздалышы 32,8 пайызды түздү. Бул көрсөткүч өткөн жылга салыштырмалуу 0,5 пайызга төмөн. Бул тууралуу бүгүн, 4-ноябрда Айыл чарба жана мелиорация министрлигинин басма сөз кызматынан билдиришти.

Маалым болгондой, тоют даярдоо боюнча төмөн көрсөткүчкө Баткен облусу ээ болду, ал 22,9 пайызды түзүүдө. Азыркы учурда дан өсүмдүктөрүн оруп-жыйноо иштери Баткен, Жалал-Абад, Нарын жана Ысык-Көл облустарында аяктаган. Республика боюнча буудайдан 632,0 миң тонна, арпадан 219,7 миң тонна, жүгөрүдөн 504,7 миң тонна түшүм алынды.

Автор: Мальвина Уметбекова