Маданият министрлигинин сайты хакердик "чабуулга" туш болду

Кыргызстандын Маданият, маалымат жана туризм министрлигинин расмий сайтына хакерлер "кол салышты". Сайттын ордуна мультфильмдеги каармандын сүрөтү жана социалдык тармактарга шилтеме көрүнүп турат. Бүгүн, 5-ноябрда SUPER.KG порталына мекеменин басма сөз катчысы Марлен Соляной төмөнкүлөрдү билдирди:

"Учурда сайттын техникалык жагын карап жатабыз. Ким тарабынан "чабуул" болгону аныктала элек. Башка сайттарга хакерлер чет өлкөдөн "чабуул жасашат" эмеспи. Мында да ошондой болушу ыктымал. Текшерүү үчүн атайын адистерди чакырдык, андан кийин УКМКга тийиштүү нота жиберебиз".

Мындан сырткары буга чейин да сайт хакерлердин "чабуулуна" туш болгонуна токтолуп: "Өткөн жылы жазында да сайтка "чабуул" болгон, бирок кайра оңдолгон эле. Бул жолу да сайт "чабуулга" туруштук бере албады көрүнөт. Сайтты ишке киргизүү боюнча адистер иштеп жатышат. Бир айдан кийин жаңыланат",- деди Марлен Соляной.

Кыргызстанда жогорку мамлекеттик органдардын расмий сайттарына хакерлердин "чабуул коюшу" биринчи жолу болуп жаткан жок. Үстүбүздөгү жылдын август айында өкмөттүн сайты да хакерлердин "чабуулуна" туш болгон.

2013-жылдын февраль айында Ички иштер министрлигинин сайтына, май айында Акыйкатчы институтунун сайтына, ушул эле жылдын октябрь айында Бишкек мэриясынын сайтына "кол салуу" болгон. Хакерлерге каршы иштей турган КРнын Президентинин аппаратында атайын бөлүм, ИИМдин алдында Кибер кылмыштуулукка каршы 10-башкы башкармалык бар экенине карабай фактылар боюнча кандай жыйынтык чыкканы, тартип бузуучулар кандай жаза алып жатканы ачык айтылбай келет.

Автор: Айпери Ганыжан кызы

12:33 05-11-2014

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (5)

KG_Beka_KG

2014-11-05 12:59:37

Ушунтип оозунар ачылып олтура бергиле.!

880909

2014-11-05 13:14:42

ал озунордун лохтугунардан, керек болсо менин деле колумдан келет бул нерсе

elgiz0890

2014-11-05 17:38:34

880909 сенен ХХХ ХХХ ХХХ... деп

admin_portal

2014-11-05 17:42:09

elgiz0890 - эскертүү!
Жеке айтышууларга жол берилбейт.

al-abu-kinesz

2014-11-05 19:42:09

Туура тушунолу туугандар, илимий техникалык жетишкендиктерибиз жагынан биз арткы эле катардабыз да, коопсуздук чаралары боюнча алсыз элебиз алдынкы олколорго салыштырмалуу.

Комментарий калтыруу үчүн өз ысымыңыз менен кириңиз же каттоодон өтүңүз.