Тайырбек Сарпашев Таласта төө буурчак өстүргөн дыйкандарды сабырдуу болууга чакырды

Бүгүн, 11-ноябрда КСДП фракциясынын кезексиз жыйынында биринчи вице-премьер-министр Тайырбек Сарпашев быйыл төө буурчактын баасы былтыркыга салыштырмалуу эмне себептен төмөн болгонун түшүндүрүп берди.

"Былтыр төө буурчактын баасы башында 37 сом болгон. Андан соң 73 сомго чейин көтөрүлгөн. Бүгүн, 11-ноябрдан 1-декабрга чейин былтыркы жогорку баага жетебиз деген ишеничтебиз. Былтыр ушул маалда төө буурчактын баасы 50 сом болгон. Быйыл ушул көрсөткүчкө жетсек жакшы болот эле. Бирок кандай болсо да, эч кандай чоң коркунуч жок. 1-декабрга чейин баа 75 сомго чейин өсөт деп эч ким кепилдик бере албайт. Төө буурчак сатып алуу боюнча 34 компания ишке киришти. Алардын ортосунда атаандаштык башталды. Ошондуктан силер сабырдуу болуп турсаңыздар",- деп кайрылды дыйкандарга Сарпашев.

Автор: Нургазы Аматов
Фото: Нургазы Аматов