Кыргызстанда "Демократиялык башкаруу" долбоорун ишке ашырууга 17,6 миллион доллар каралган

Кыргыз Республикасында Бириккен Улуттар Уюмунун "Өнүктүрүү" программасынын "Демократиялык башкаруу" долбоорун ишке ашырууга 17,6 миллион АКШ доллары каралган. Бул тууралуу бүгүн, 12-ноябрда аталган программа уюштурган тегерек столдун жүрүшүндө айтылды.

Маалым болгондой, сот акыйкаты, адам укуктарын коргоо жана укук үстөмдүгүн өркүндөтүүгө 6,8 миллион доллар, мамлекеттик администрация тармагын реформалоого 7 миллион доллар, коррупцияга каршы иш-аракет жасоо жана анын алдын алууга 1 миллион доллар жана шайлоо реформасын колдоого 3,8 миллион доллар каралган. "Биз бул багыттарда КРнын парламенти, өкмөт аппараты, президент аппараты жана бейөкмөт уюмдар менен тыгыз мамиледе иштешебиз",- деди аталган долбоордун жетекчиси.

Автор: Нургазы Аматов
Фото: Нургазы Аматов