17-ноябрга чейин Бишкектин жана Чүйдүн айрым аймактарында маал-маалы менен электр жарыгы өчүрүлөт

Эртең, 15-ноябрда аба чубалгылары менен бир катар көмөк чордондорундагы оңдоо иштерине байланыштуу Бишкектин жана Чүйдүн айрым аймактарында электр жарыгы өчүрүлөт. Бул тууралуу "Түндүк электр" АККнын басма сөз кызматы билдирди.

Маалыматка ылайык, 15-ноябрда саат 09:00дөн 17:00гө чейин Бишкек шаарынын Бөкөнбаев көчөсүндө жана Манас кең көчөсүндө жарык өчүшү мүмкүн.

Ал эми 16-ноябрда Исанов, Фрунзе көчөлөрүндө, Москва көчөсүндөгү №190-көп кабаттуу үйдө №427, 1497, 2082-трансформаторлорун оңдоо иштерине байланыштуу электр энергиясы үзгүлтүккө учурашы мүмкүн.

17-ноябрда Бишкек шаарынын Тажик, Туюк, Партизан, Бакаев, Январь, Гатчинск, Товарный, Кайназарова, Брестская, Волков, 9-январь, Дэн Сяопин, Садыгалиев, Нежная, Кустанайский, Владимирск, Патрис Лумумба, Власов, Троицкая, Ильменская, Фучик, Ленский, Ахунбаев, Жукеев-Пудовкин, Бектенов, Скрябин, Шүкүров, Жантөшев көчөлөрүнө, Орский тар көчөсүнө “акылдуу” эсептегичтердин орнотулушуна байланыштуу электр жарыгы үзгүлтүккө учурайт.

Ушул эле күнү Чүй облусунун Аламүдүн районуна караштуу Маевка (Родниковая, Южная, Марат, Ала-Арча, Новая, Кара-Суу, Түлөбердиев, Виноградная, Жаш Гвардия, Совхоз, Школьная, Жапарова көчөлөрүндө), Кырман, Учкун, Лебединовка (Чүй, Түштүк, Нарын, Манас көчөлөрүндө), Бер-Булак, Арчалуу, Байтик, Көк-Жар (Достук, Көк-Жар, Шабдан баатыр, Коңур Осмон, Элебаев, Үмөталиев, Маликов, Матыев, Нурмамбетов, Бишкек, Арпачиев, Полевая көчөлөрүндө жана Панорама тарапта), Васильевка, Полевое, Виноградное, Прибойное, Октябрь (МТФ), Таш-Дөбө (дачалар) айылдарында жана Кырман конушунда, Сокулук районуна караштуу Сокулук, Романовка (батыш тарап) айылдарында электр чубалгыларындагы оңдоо иштерине байланыштуу электр жарыгы үзгүлтүккө учурашы ыктымал.

Автор: Айпери Ганыжан кызы