Ички иштер министрлиги мамлекеттик мекемелерде коррупциянын алдын алуу боюнча иш-чараларды өткөрүүдө

Ички иштер министрлигинин 5-Башкы башкармалыгы мамлекеттик мекемелерде коррупциялык укук бузуулардын алдын алуу боюнча түшүндүрүү иш-чараларын өткөрүүдө. Бул тууралуу ИИМдин басма сөз кызматы билдирди.

Маалым болгондой, 17-ноябрда аталган башкармалык КРнын Билим берүү жана илим министрлигинин жумушчу тобу менен билим берүү тармагында системдик коррупцияны жоюу боюнча пландын аткарылышын талкуулады. 5-Башкы башкармалык аталган министрликтин статс-катчысы К.Шадыхановго быйыл республиканын билим берүү системинин кызматкерлерине козголгон кылмыш иштери тууралуу маалымат берди. Жолугушуунун жүрүшүндө Билим берүү жана министрлигинин жетекчи бөлүмдөрүнүн башчыларын жоопкерчиликке тартуу маселеси көтөрүлдү.

Автор: Нургазы Аматов