Өмүр бою эркинен ажыратылгандар үчүн жаңы курулган абактан бир да кылмышкер кача албайт (фото)

Абактын ачылышында кызыл тасма кесилди.

Кылмышкерлердин сейилдөөчү жайы.

Жаңы курула турган абак. Эгер керектүү каражат табылса, ал да салынып калса, бул абакка 500дөй кылмышкер батат.

Бул камераларда өмүр бою эркинен ажыратылган кылмышкерлер өмүрүнүн акыркы күнүнө чейин болушат.

Камералардын ичиндеги эмеректердин баары өмүр бою эркинен ажыратылган кылмышкерлердин колу менен жасалган.

Ар бир камеранын ичинде кылмышкерге жетиштүү шарттар каралган.

Кылмышкерлер өздөрү кийчү кийим-кече жана шейшеп, жаздык каптарын да өздөрү тигишкен.

Өмүр бою эркинен ажыратылган кылмышкерлердин жаңы абагы 4 кабаттуу жана ичинде бардык шарттар каралган.

Кылмышкерлерге карата жазылган эрежелер.

Мамлекеттик жазаларды аткаруу кызматынын төрагасы Советбек Арбаев.

"Буга чейин абактардан кылмышкерлердин качуу фактылары болуп келген. Бул жаңы салынган абактан бир да кылмышкер кача албастыгына мен кепилдик берем",- деп билдирди бүгүн, 20-ноябрда Жаңы-Жер айылындагы өмүр бою эркинен ажыратылгандар үчүн жаңы абактын ачылышында Мамлекеттик жазаларды аткаруу кызматынын төрагасы Советбек Арбаев.

“Бүгүнкү күндө өлкөдө 200дөн ашуун өмүр бою эркинен ажыратылган кылмышкер бар. Бирок, тилекке каршы, алардын саны жыл санап өсүүдө. Ачылып жаткан жаңы абак Кыргызстандагы алгачкы өмүр бою эркинен ажыратылгандар үчүн курулган мекеме болуп саналат. Буга чейин оор жана өтө оор кылмыш жасаган кылмышкерлер ар кайсы түзөтүү мекемелеринде 50дөн, 100дөн бөлүнүп жазасын өтөп келишкен. Жаңы абакка 60 жашка чейинки өмүр бою эркинен ажыратылган кылмышкерлер жана "террорчулук" беренеси боюнча эркинен ажыратылгандар жайгаштырылат. Мыйзамга ылайык, аял кишилер жана 18 жашка чейинки өспүрүмдөр өмүр бою эркинен ажыратылбайт, ошол себептен улам бул жакта жалаң эркектер болот”,- дейт С.Арбаев.

Анын айтымында, 200 кылмышкерди кайтарууга 100гө жакын атайы кызматкер керек. Кайсы күнү алар аталган мекемеге бөлүнүп берилсе, ошол күндөн баштап абак ишке берилмекчи. Учурда аталган абактын биринчи корпусунун курулуш иштери толугу менен бүткөрүлдү. Ошол эле абактын жанында дагы бир корпусунун курулушу пландалууда, бирок азырынча ага каражат жок. Эгер ал да курулса, аталган абак 500дөн ашуун өмүр бою эркинен ажыратылгандардын баш калкалоочу жайы болот.

“Ар бир камеранын ичинин аянты 18 чарчы метрди түзүп, ага 4 кылмышкерден жайгаштырылат. Күнүгө алар мекеменин ичинен 1,5 сааттан сейилдөөгө атайын жай курулган, ал 4-кабатта жайгаштырылды. Алардын үстүнөн биздин кызматкерлер көзөмөлдөп турушат”,- дейт С.Арбаев.

Белгилүү болгондой, абактын курулуш иштери 2007-жылы башталып, анын курулуш иштери 7 жылга созулду. Ага жалпы 347 миллион сом сарпталган. Абактын ачылышына тиешелүү мекеме жетекчилери, журналисттер катышты.

Автор: Мальвина Уметбекова
Фото: Мальвина Уметбекова

15:21 20-11-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (11)

tolkun85

2014-11-20 16:32:58

эч ким качан албаганы жакшы экен,бирок кош колдоп озунор узатып койбогула кылмышкерлерди.

+14

aiba_00

2014-11-20 16:50:37

Кандай кана зоокурлор, жан кечтилер, террористер жатат экен да, ээй ар кандай тагдырлар темир тор артында отуудо, кандай кана окунучтуу.

-2

tairbek.

2014-11-20 17:04:37

эчким качалбайт биз озубуз килем салып качырабыз прямо аэропортко

Kairatmyn

2014-11-20 17:22:19

""Кылмышкерлерге карата жазылган эрежелер"" деген кагазды окусанар Ээ айланайын бир да кыргызча жузу жок. Же эмне кыргызстандагы кылмышкерлер жалан Гана орустарбы же ал жерде жалан орустар жатабы? админ мен болунойн дебейм бирок бул туура эместа. Кыргыз тилин онуктуробуз деп тош кагабыз. Кана биздин тил Кана биздин абийр Кана биздин салт Кана биздин эне тилибиз.

PeRa

2014-11-20 22:37:32

Kairatmyn, omur boju erkinen ajyratylgandan bashkalar ele sujloshsunchu kyrgyzcha

-1

Kairatmyn

2014-11-20 17:27:56

Биро айтышы же Жооп жазышы мумкун . Бойроктон шыйрак чыгарыпсын болгону бир кагазго деп. Менин оюму ким тушунсо мага Жооп жазбайт. Оба бир кагаз болгону бирок эне тил деген ушул бир кагаздан башталат. Ушуну унутпайлы урматтуу кыргызым.

sterva

2014-11-20 22:59:12

Kairatmyn, туурале айттыныз +100000

OSHLYAM

2014-11-21 17:08:17

Kairatmyn, оюму эмес оюмДу деп биринчи озундон баштасан!

Ibragim864

2014-11-20 17:52:37

Ар бир адам баласынын ыйманы бай болуп,мындай жерлерге тушуп калуудан Жараткан озу сактасын!

+12

sterva

2014-11-20 23:02:11

Кинодогудай го ичи)))),омуру откончо буларды окмот багат да,жылуу жумшак жашашат,ичкен,жаткан жери бар,а кочодо калган байкуш бомждор кочодоле олуп кете берет.Оор кылмыш жасагандарга "олум жазасын"киргизсе,колдойт элес.Чем мынтип буларды баккандан коро!

fanfan-sansan

2014-11-21 15:13:49

Качам десе качып кетет, бирок ошончо даярдык коруп качып чыккыча сотко биртке акча бердирсе чечимин озгортуп актап жиберет, эч болбой баратса турмо кызматкерлерине акча берип качып чыгып кетет "Побег из тюрьмы" киносундагыдай качуунун татаал операциясын ойлоп отурбай эле...

Комментарий калтыруу үчүн өз ысымыңыз менен кириңиз же каттоодон өтүңүз.