Лейлекте 50 килограмм маңзат менен Райондук ички иштер башкармалыгынын иликтөө иштеринин жетекчиси жана анын тууганы кармалды

Улуттук коопсуздук мамлекеттик комитети жана Мамлекеттик баңгизатты көзөмөлдөө кызматы тарабынан жүргүзүлгөн иликтөө иштеринин алкагында 50 килограмм маңзат менен Ички иштер министрлигинин кызматкерлери кармалышты. Бул тууралуу бүгүн, 10-февралда SUPER.KG порталына УКМКнын басма сөз кызматынын жетекчиси Рахат Сулайманов билдирди.

"Маңзатты Тажикстан, Орусияга жөнөтүү менен алектенип келген Лейлек райондук ички иштер башкармалыгынын иликтөө иштеринин жетекчиси жана анын тууганы кармалды. Бул баңгизат ташуу каналын жабуу боюнча иликтөө иштери 2014-жылдын ноябрь айынан бери жүрүп келген. Өткөн жылдын 15-ноябрында баңгизат ташуу менен алектенген ушул топтун 2 мүчөсү кармалган. Алар Баңгизатты көзөмөлдөө кызматынын Э.Т., Х.М. аттуу кызматкерлери болушкан жана №1-тергөө абагына камакка алынышкан. 6-февраль күнү ушул эле топтун дагы 2 мүчөсү кармалды. Алардын бири Лейлек райондук ички иштер башкармалыгынын иликтөө иштеринин жетекчиси, милициянын майору Б.А. аттуу жаран. Ошондой эле бул кылмышка шектүү катары анын тууганы, Лейлек районунун "Максат" чек ара күзөтүнүн жетекчиси Б.К. кармалды. Учурда аларга кылмыш иши козголуп, камакка алынышты. Мыйзамсыз жүгүртүүдө жүргөн 50 килограмм баңгизат алынды",- деди Р.Сулайманов.

Маалыматка ылайык, бул факт боюнча КРнын Кылмыш-жаза кодексинин 247-беренесинин 3-бөлүгү (баңги каражаттарын, психотроптук заттарды, алардын окшошторун же прекурсорлорду башкага берүү максатында мыйзамсыз даярдоо, сатып алуу, сактоо, ташуу, жөнөтүү, ага тете эле мыйзамсыз өндүрүү же берүү) боюнча кылмыш иши козголуп, иликтөө улантылууда.

Автор: Мальвина Уметбекова

12:59 10-02-2015

Жазылуу

РУБРИКАДАГЫ СОҢКУ КАБАРЛАР

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 78 0

21:13 2025-05-15 | Саясат

Сүйүнбек Касмамбетовдун ордуна Марат Иманкулов келди 233 0

20:42 2025-05-15 | Саясат

Кыргыз-түрк экономикалык кызматташтыгы талкууланды 132 0

20:21 2025-05-15 | Коом жана турмуш

Министр Ажикеев Ак-Талаадагы жер титирөөдөн жабыркагандардан кабар алды 234 0

19:49 2025-05-15 | Түркүн дүйнө

Түркияда катуу жер титирөө болду. Зеленский ал жакта 1030 0

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 1486 0

Архив

Комментарийлер (4)

newman

2015-02-10 13:41:00

Лейлек райондук "милиция кызматына" начальник болуп баруу бул Кыргызстан боюнча ставкасы эн жогору болуп эсептелкт экен. Себеби "коридор" го дейм...

milan_92

2015-02-10 13:56:41

bundai jetekchiler kop bolso kyrgyzstanda

Fili-07

2015-02-10 15:28:19

Кытайда же Кореяда пара алгандарды,коррупционерлерди атып салышат.А бизде баары тескерисинче.Майда уурулар камакта, оор кылмышкерлер эркин эле эл аралап журушот.Дагы да бийиликтин алсыздыгынан, коп нерсеге коз жумуп коебуз.

nurik-77788

2015-02-10 18:13:41

мына сага бир мушок манзат дейби? шамал болбосо чоптун башы кыймылдабайт.

Комментарий калтыруу үчүн өз ысымыңыз менен кириңиз же каттоодон өтүңүз.