Токмок шаарында мал уурдоого шектелген кылмыштуу топтун мүчөлөрү кармалышты

Токмок шаарында мал уурдоого шектелген кылмыштуу топтун мүчөлөрү кармалышты. Бул тууралуу бүгүн, 27-февралда Чүй ОИИББинен билдиришти.

Маалыматка ылайык, жүргүзүлгөн иликтөө иштеринин алкагында милиция кызматкерлери тарабынан Токмок шаарынын 24, 23, 22 жаштагы тургундары кармалышкан. Алардын Чүй облусунун аймагынан 5 мал уурдоо фактысына катыштыгы бар экени аныкталган. Кийин кармалган кылмыштуу топтун дагы бир нече мал уурдоо фактысына тиешеси бар экени белгилүү болду. Учурда алар камакка алынып, иликтөө иштери жүрүүдө.

Автор: Мальвина Уметбекова