Соода борборундагы эки адамдын өлүмүнө алып келген кырсыктын себебин иликтөө үчүн түзүлгөн комиссия 15 күндө жыйынтык чыгарат

Бишкектеги "Айчүрөк" соода борборунда лифтти оңдоо учурунда эки адамдын өлүмүнө алып келген кырсыктын себебин иликтөө боюнча Мамлекеттик экологиялык жана техникалык инспекциянын алдында комиссия түзүлдү. Бул тууралуу бүгүн, 13-мартта мекемеден билдиришти.

Маалыматка ылайык, 15 күн ичинде бул комиссия тергөө амалдарын жүргүзүп, корутундусун чыгармакчы. Анын курамына инспекциянын тиешелүү башкармалыктарынын жана аталган соода борборунун өкүлдөрү киришти.

Автор: Нургазы Аматов