Ала-Бука районундагы жол кырсыгынан бир адам жабыркады

Ала-Бука районунун Достук айылында жол кырсыгы катталып, бир адам жабыркады. Бул тууралуу бүгүн, 16-мартта Өзгөчө кырдаалдар министрлигинин басма сөз кызматы билдирди.

Маалыматка караганда, жол кырсыгы 14-март күнү саат 21:15 чамасында катталган. Анда 1996-жылы туулган Кудайбердиев Мамыржан унаасын башкара албай калып, жол четиндеги бакты сүзгөн. Анын кесепетинен ал башынан жаракат алган. Окуя болгон жерге куткаруучулар барышып, айдоочуну унаадан чыгарып, туугандарына өткөрүп беришкен.

Автор: Бекжан Рыскулов