Дамира Ниязалиева: "Өкмөт журналисттер тараптан туура айтылган сынды кабыл алууга даяр"

Өкмөт өлкөдөгү жашоону жакшыртууга багытталган сунуштарды алуу үчүн туура айтылган сынды кабыл алууга даяр. Муну вице-премьер-министр Дамира Ниязалиева 17-мартта ММК өкүлдөрү менен жолугушууда айтты. "Жалпыга маалымдоо каражаттары менен мамлекеттик органдардын мамилеси курч жана көйгөйлүү маселе. Бүгүнкү күндө медиакоомчулук жана мамлекеттик түзүм өкүлдөрүнүн ортосунда үзгүлтүксүз диалогду уюштуруу зарыл",- деди өкмөт мүчөсү.

Ниязалиева жалпыга маалымдоо каражаттары өкмөттүн колундагы байланыш түзүүнүн баа жеткис булагы экенин, бирок өкмөт аны натыйжалуу пайдалана албай жатканын белгилеп: “Өкмөт мамлекеттик маалыматтык саясатты жаңы деңгээлге көтөрүү үчүн бардык күчүн жумшоодо",- деп билдирди.

Автор: Автандил Добулбеков