Бишкектиктер Жогорку Кеңештин төрагасынан ишке саат 8:00дө чыгууну талап кылышууда

Бүгүн, 19-мартта парламент жыйынында депутат Ирина Карамушкина бишкектиктердин өтүнүчүн билдирди. Борбор шаардын тургундары Жогорку Кеңештин төрагасы Асылбек Жээнбековдон жумушка эртерээк чыгууну өтүнүшүүдө. Төрагага кайрылган депутат: "Жарандар сизден ишке саат 8:00дө чыгууну суранышууда, анткени сиздин кортеж жүргөн жолду ачуу максатында жол-кайгуул кызматкерлери кесилишкен көчөлөрдү тосуп жатышыптыр. Мындан улам унаа тыгындары пайда болуп, окуучулар мектептерге, жарандар жумуштарына кечигип жатышат",- деди депутат.

Автор: Нургазы Аматов