Караколдо "Жеңиш" сейил багын оңдоо иштери жүрүүдө

Каракол шаарында 9-Май - Улуу Ата Мекендик согуштагы жеңиштин 70 жылдык мааракесине карата

"Жеңиш" сейил багында реконструкциялоо иштери жүрүүдө. Бул тууралуу бүгүн, 19-мартта Каракол шаардык мэриясынын басма сөз кызматынан билдиришти.

Маалыматка ылайык, 9-Май күнүнө аталган "Жеңиш" сейил багында бир катар майрамдык иш-чаралар пландалган. Азыркы тапта курулушчулар сейил бактын ичиндеги тротуарларга таш төшөлгө (брусчатка) төшөө жана бетон арыктарды куруу иштери менен алектенишүүдө. Андан сырткары жаңы бак-дарак жана гүлдөрдүн көчөттөрүн отургузууга даярдыктар көрүлүп, бак-дарактар акталууда.

Автор: Мальвина Уметбекова
Фото: Шаардык мэрия