Казакстан, Түркмөнстан, Өзбекстан жана Тажикстандын президенттери Алмазбек Атамбаевди жана кыргыз элин Нооруз майрамы менен куттукташты

Казакстан, Түркмөнстан, Өзбекстан жана Тажикстандын президенттери Алмазбек Атамбаевди жана кыргыз элин Нооруз майрамы менен куттукташты. Бул тууралуу президенттин басма сөз кызматы билдирди.

Нурсултан Назарбаев: "Кыргыз-казак мамилеси мындан ары да элдин тынчтыгы үчүн бекемделерине ишенем. Сизге бекем ден соолук, боордош кыргыз элине тынчтыкты жана өнүгүүнү каалайм",- деп айтылат.

Тажикстандын президенти Эмомали Рахмон: "Бул күн табийгаттын ойгонушу жана жаздагы күн менен түндүн теңелүүсү гана эмес, жалпы адамзатта гумандуулук идеясынын толукталганын түшүндүрөт",- дейт. Ошондой эле Өзбекстандын президенти Ислам Каримов менен Түркмөнстандын президенти Гурбангулы Бердымухамедов жакшы каалоо-тилектери менен кыргыз элине жана өлкө башчы Алмазбек Атамбаевге куттуктоо телеграммасын жөнөттү.

Автор: Айпери Ганыжан кызы