Жалал-Абад шаардык төрөт үйүндө орун жоктугунан бир палатада 7-8ден айым жатат

Вице-премьер-министр Дамира Ниязалиева 20-мартта Жалал-Абад шаарынын тургундары менен жолугушту. Ниязалиева иш сапарынын алкагында Жалал-Абад шаардык төрөт үйүнө барды. Төрөт үйүнүн башкы дарыгери Элмира Төрөгелдиева жакынкы райондордун тургундарынын кайрылышынан улам төрөттүн саны өсүп жатканын билдирди. "Төрөт үйүндө орун калбады, бир палатада 7-8ден кош бойлуу айым жатат. Мындан тышкары жаңы төрөлгөн ымыркайларды реанимациялоо үчүн керектүү аппараттар жетишсиз",- деп билдирди башкы дарыгер.

Ниязалиева төрөт үйүнүн абалы менен таанышып чыкканын, мекемедеги коррупциялык көрүнүштөр боюнча төрөт үйүндөгү энелердин пикирин укканын билдирет өкмөттүн маалымат кызматы.

Автор: Автандил Добулбеков