Орусиянын экономика илимдеринин доктору кыргыз студенттери жана мугалимдери үчүн лекция окуйт

КРнын Президентине караштуу Мамлекеттик башкаруу академиясына Орусия Федерациясынын Президентине караштуу Эл-чарбачылык академиясынын Түндүк-Батыш башкаруу институтунун жана мамлекеттик кызмат делегациясы келет. Бул тууралуу бүгүн, 25-мартта Башкаруу академиясынын басма сөз кызматы билдирди.

Маалыматка караганда, делегациянын башында Түндүк-Батыш башкаруу институтунун директору Владимир Шамахов турат.

Экономика илимдеринин доктору 27-март күнү академиянын студенттери жана окутуучулары үчүн "Евразиялык экономикалык союздун жаңы горизонттору: Санкт-Петербургдун көз карашында" деген темада ачык лекция окуйт.

Иш-чаранын жүрүшүндө Шамахов мырзага "КРнын Президентине караштуу Мамлекеттик башкаруу академиясынын ардактуу доктору" деген наам берилет.

Автор: Наргиза Бекжанова