Өкмөт дарыланууга муктаж болгон балдардын ата-энелерине 50 миң сомдон акчалай жардам берди

Вице-премьер-министр Дамира Ниязалиева дарыланууга муктаж болгон балдар Төрөбек Сабыров жана Наргиза Асаналиеванын ата-энелери менен жолугушту. Бул тууралуу өкмөттүн басма сөз кызматы билдирди.

Маалыматка ылайык, жолугушууда Д.Ниязалиева ата-энелерге алардын балдарына материалдык жардам көрсөтүү үчүн өкмөттүн резервдик фондунан 50 миң сомдон берди.

Вице-премьер-министрдин айтымында, акча каражат медициналык кийлигишүүгө жана реабилитациялоого муктаж болгон жарандарга берилди. "Наргиза менен Төрөбектин тез айыгарына үмүттөнөм. Алар өз ата-энелерин жана туугандарын ийгиликтери жана жетишкендиктери менен кубандырат деп ишенем",- деди Ниязалиева.

Автор: Нургазы Аматов
Фото: Өкмөттүн басма сөз кызматы