Президенттик жана парламенттик шайлоо тартибин өзгөртүү тууралуу мыйзам долбоору 3-окууда добуш берүүгө жөнөтүлдү

Жогорку Кеңештин 9-апрелдеги жыйынында президенттик жана парламенттик шайлоо жөнүндө конституциялык мыйзамга өзгөртүүлөрдү киргизүү тууралуу мыйзам долбоору 3-окууда каралып, добуш берүүгө жөнөтүлдү.

Айта кетсек, бул мыйзам долбоорунда төмөнкү негизги нормалар белгиленген:

- шайлоодо жалпы жарандык паспорт же ID-карта менен гана добуш берүү;

- биометрикалык маалыматтарын тапшырган жарандар гана шайлоодо добуш бере алышат;

- шайлоо күнү саат 20:00гө чейин болот;

- бюллетендерди кол менен саноонун көрсөткүчү электрондук саноодон маанилүүрөөк;

- шайлоодон кийин партиянын тизмесин өзгөртүүгө мүмкүн эмес.

Автор: Нургазы Аматов