Жоомарт Оторбаев: "Центерра" жаңы планында "Кумтөрдөгү" алтындын запасын 20 пайызга азайтып салды"

Жогорку Кеңештин 9-апрелдеги жыйынында “Кумтөр” маселеси боюнча парламенттин чыгарган 6 токтомунун аткарылышы тууралуу өкмөттүн маалыматы угулууда. Жыйында премьер-министр Жоомарт Оторбаев баяндама жасап жатат. Өкмөт башчы “Кумтөр” кыргыз мамлекети үчүн эң маанилүү болгондуктан, этияттык менен бир чечимге келүү керектигин айтты.

“Бир нече күн мурун “Центерра” “Кумтөрдү” иштетүү боюнча жаңы планын жарыялады. Ал планда кенди иштетүү планы бир топ өзгөргөн. Маалыматта айтылгандай, “Кумтөрдөгү” алтын 20 пайызга азайган жана кенди иштетүү боюнча чыгашалар 92 миллион долларга көбөйүптүр. Бул өзгөртүүлөр алтындын баасын 2026-жылга чейин 220 миллион долларга азайтат. Бул тенденцияларды анализдеп жатып, өткөн жылы "Центерра" менен кол коюудан Кудай сактаптыр деп жатам”,- деди Оторбаев.

Өкмөт башчы баяндамасын улантууда.

Автор: Жамалидин Парманкулов