Лорд Кланвильям: "Кумтөр" кенинен алтын түбөлүк чыкпай турганын кыргыз эли билиши керек"

"Кумтөр" кенинен алтын түбөлүк чыкпай турганын кыргыз эли билиши керек",- деди бүгүн, 24-апрелде Жогорку Кеңештин депутаттарына жана өкмөт мүчөлөрүнө "Центерра" ишканасынын Директорлор кеңешине талапкер Лорд Кланвильям.

Анын айтымында, акыркы 3-4 жыл ичинде "Кумтөр" кенинин айланасындагы кырдаал татаалдашып кетти. "Центерра" менен кыргыз тараптын ортосундагы мамиле бузулду. Биздин максатыбыз - бул мамилени жакшыртуу. Бирок "Центерранын" учурдагы жетекчилиги менен болгон кырдаалды жакшыртуу мүмкүн эмес деген пикирдемин. Башкача айтканда, үй-бүлө бузулду. Анткени жубайлардын бири өзүн хан деп эсептесе, мындай үй-бүлө ынтымакта жашай албайт",- деди Кланвильям.

Бул жолугушуунун максаты талапкерлер тууралуу жана алардын “Кумтөр” долбоорунун азыркы абалы менен мындан аркы келечегине баасы боюнча толук маалымат алуу болуп саналат.

Автор: Нургазы Аматов
Фото: Нургазы Аматов