Экономикалык кылмыштарга каршы күрөшүү мамлекеттик кызматынын кызматкерлери 120 миң сом пара алып кармалышты

Кыргыз Республикасынын Өкмөтүнө караштуу Экономикалык кылмыштарга каршы күрөшүү мамлекеттик кызматынын кызматкерлери А.А. жана Т.Н. опузалап пара талап кылуу фактысы боюнча кармалышты. Бул тууралуу УКМКнын басма сөз кызматынан билдиришти.

2015-жылдын 19-июнунда Э.А. аттуу жаран жогоруда аталган Каржы полициясынын кызматкерлерине карата чара көрүү боюнча арыз менен кайрылган. Көрсөтүлгөн Каржы полициясынын кызматкерлери кылмыш жоопкерчилигине тартуу менен коркутушуп, арыз берген жарандан 2013-жылдан тартып ай сайын 120 миң сомдон акча каражатын, башкача айтканда, “отметка” алып турушкан.

Жүргүзүлгөн ыкчам тергөө иш-чараларынын натыйжасында 300 миң сом өлчөмүндөгү параны алып жатышканда Экономикалык кылмыштарга каршы күрөшүү мамлекеттик кызматынын Бишкек шаары боюнча башкармалыгынын өзгөчө маанилүү иштер боюнча улуу ыйгарым укуктуу кызматкери А.А. жана Борбордук аппаратынын ыйгарым укуктуу кызматкери Т.Н. кармалышты.

Белгилеп кетсек, ыкчам иш-чараларын жүргүзүүдө 20га жакын адамдан турган Экономикалык кылмыштарга каршы күрөшүү мамлекеттик кызматынын кызматкерлер тобу кесиптештери кармалган жерге келишкен, алар тергөө иштерин жүргүзүүгө тоскоолдук кылууга аракет жасашкан. Азыркы маалда тоскоолдук кылууга аракет жасаган кызматкерлерге карата укуктук баа берүү маселеси каралып жатат.

2015-жылдын 19-июнунда УКМКнын Тергөө башкармалыгы факты боюнча Кылмыш-жаза кодексинин “кызматтык абалынан кыянаттык менен пайдалануу” жана “опузалап пара талап кылуу” беренелерине ылайык кылмыш ишин козгоду. Ал эми "кармалгандар тергөө камак жайына 2 айлык мөөнөткө камакка алынсын" деген бөгөт коюу чарасын тандады. Азыркы маалда тергөө амалдары жүрүп жатат.

Бишкектеги финполчулардын пара менен кармалышы

Автор: Айпери Ганыжан кызы

10:59 23-06-2015

Жазылуу

РУБРИКАДАГЫ СОҢКУ КАБАРЛАР

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 147 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 438 0

16:06 2025-05-17 | Коом жана турмуш

Салыкчыларга ата мекендик унаалар тапшырылды 332 0

15:33 2025-05-17 | Коом жана турмуш

Ала-Арча жаратылыш паркында үй-бүлөлүк майрам белгиленүүдө 422 0

15:20 2025-05-17 | Саясат

Садыр Жапаров Касым-Жомарт Токаевди туулган күнү менен куттуктады 298 0

15:06 2025-05-17 | Түркүн дүйнө

Трамп 1 миллион палестиналыкты Газадан Ливияга көчүрүүнү каалайт 620 0

Архив

Комментарийлер (2)

sen_emes

2015-06-23 12:31:37

Кызыккоо

Ajar.

2015-06-23 12:41:39

Ай сайын 120 миңден берип турса, 3 жыл бою (2013, 2014, 2015), анда жабырлануучунун акча табуучу булагы укмуш го, ээ, түгөнгөн сайын түтөгөн ))) А эмнеге буга чейин (3 жыл бою) унчуккан эмес...

Комментарий калтыруу үчүн өз ысымыңыз менен кириңиз же каттоодон өтүңүз.