Отставкадагы полковник Абдували Акжоловду сабап кетишти

Марапат Акжолова

Милициянын отставкадагы полковниги Абдували Акжолов

Отставкадагы полковник Абдували Акжоловду 3-июлдан 4-июлга караган түнү сабап кетишти. Бул тууралуу полковниктин бир тууган эжеси Марапат Акжолова 15-июлда өткөргөн маалымат жыйынында айтып чыкты. Анын билдиришинче, полковникти күч кызматтарында иштеген ондой кызматкер сабаган.

"Иним такси айдап келе жатканда ага каратып ок чыгарышкан. Ок унаанын алдынкы айнегин талкалап кеткен. Андан соң алар Абдувалини унаадан түшүрүп алып аёосуз сабашкан. Ал ошол жерде эсин жоготкон, бирок сабагандар ошол замат "Тез жардам" унаасын чакырбай, 5-6 сааттан кийин гана Бишкектеги №4-шаардык ооруканага жеткиришкен",- деди бир тууганы Акжолова.

Учурда ал Республикалык ооруканада оор абалда жатканын кошумчалады.

"Күч органдарынын айтымында, Абдували окуя болгон күнү бир кап баңгизат жана ок атуучу курал менен кармалган. Бирок "күбөлөндүрчү кагаздарды көрсөткүлө" десек, бизге бербей жатышат. Менин иним жөн гана такси айдап үй-бүлөсүн багып жүрчү”,- деди Акжолова.

Абдували Акжолов 2010-жылдары ИИМдин 9-Башкармалыгынын (азыркы 10-Башкы башкармалык) башчысы болуп иштеген.

Айта кетсек, Абдували Акжолов 2010-жылдын 7-апрель окуясы учурундагы талап-тоноо фактысы боюнча айыпталып жаткан. Ошондой эле "Манас" аэропортунун өкүлүн коркутуп, 7,5 миллион сом алуу жана экс-муфтий, маркум Мураталы ажы Жумановдон акча талап кылуу кылмышы боюнча да күнөөлөнгөн. 2013-жылы 1-мартта Бишкек шаарындагы Аламүдүн райондук соту ага 13 жыл эркинен ажыратуу өкүмүн чыгарган. Бирок өкүм күчүнө кире электе иш Чүй облустук сотуна өткөрүлүп, тиешелүү чечим бүгүнкү күнгө чейин чыгарыла элек.

Муну менен катар 2013-жылдын апрель айында УКМКнын Коррупцияга каршы күрөшүү кызматы тарабынан пара алуу кылмышы боюнча ИИМдин кызматкери А.Акжолов жана аталган министрликтин пенсионери Н.Жаналиев кармалган. Алар Бишкек шаардык кеңешинин депутатынан 2500 доллар пара алгандыгы үчүн айыпталышкан. УКМКнын басма сөз кызматы пара алган адамдар депутаттын өмүрүнө кол салуудан алдын ала сактап калуу убадасы менен 10 000 доллар акча талап кылышкан. Бул окуя боюнча кылмыш иши козголуп, колго түшкөн 2 жаран убактылуу кармоочу жайга киргизилген болчу. 4 ай камакта отурган соң тосмо арыздын негизинде иш кыскартылып, Акжолов эркиндикке чыгарылган.

Автор: Наргиза Бекжанова

14:01 15-07-2015

Жазылуу

РУБРИКАДАГЫ СОҢКУ КАБАРЛАР

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 399 0

17:56 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 912 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 532 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 840 0

16:06 2025-05-17 | Коом жана турмуш

Салыкчыларга ата мекендик унаалар тапшырылды 517 0

15:20 2025-05-17 | Саясат

Садыр Жапаров Касым-Жомарт Токаевди туулган күнү менен куттуктады 390 0

Архив

Комментарийлер (6)

Adako

2015-07-15 16:34:07

"Карга карганын козун чокубайт"-деген соз модадан калган окшойтко. Биздин куч органдары элдин кызыкчылыгын, тынчтыгын, коомдук тартипти коргобостон оздорунун кызыкчылыктарын жогору коюшат. Бул дагы бир ошонун мисалы болсо керек

yslam

2015-07-15 17:09:04

куч органдары кутуруп атат. мушташ учурунда жашынып, кылмышкер кеткенден кийин жабырлануучудан штраф алат.

Anarbek2015

2015-07-15 22:29:48

yslam, коруп жургонсуп жаздынго качып кетет кеткенден кийин келет деп иштеп эле жатышат беш кол тен эмес,андай болсо сен барып иштебейсинби отуруп сындагандан башка билбейсин

-2

kubat_1973

2015-07-15 17:28:06

Озу далайды сыздаткан неме экен го.Таба эмес тобоо жогорудагы кылмыштарга катышы болсо чала эле болуптур акча болушо албагандыктан келип чыкты да.Билсин сабалып кордук коргон кандай болоорун сенин деле жанын ширин бекен жатасын го бурушуп полковник мырза

+11

seed

2015-07-16 08:08:03

taksi aidap ui buloosun bakchu dese boorun ooruit eken birok jogorudagy aiyptooloru chyn bolso emne deisin.bir kishini 10kishi sabagany tuura emes go. Markum Myrataaly Ajy Jumanov kandai kaza boldu ele. JASHOO-BUMERANG

dina

2015-07-16 15:06:22

Тынч эле жургон кишини ким сабап салсын?..

Комментарий калтыруу үчүн өз ысымыңыз менен кириңиз же каттоодон өтүңүз.