Террорист деп өлтүрүлгөн Туратбек Усубалиевдин атасы: "Кылмышкерлердин баарын үйүп алыптырсыңар" деп баламдын сөөгүн көрсөтпөй жатышат"

"Баламдын сөөгүн көрсөтпөй жатышат",- деп кайрылды террорист деп атылып өлтүрүлгөн Туратбек Усубалиевдин атасы Иманкул Итибаев SUPER.KG'ге бүгүн, 18-декабрда. Итибаев 9 жаштагы Барсбек деген небересинин кайда экени да белгисиз болуп жатканын айтууда.

"Баламдын сөөгүн көрөлү деп өлүк сактоочу жайга барсам, "кылмышкерлердин баарын үйүп алыптырсыңар" деп сөөгүн көрсөтпөй коюшту. Анысына деле мейли, неберемдин кайда экенин айтпай жатышат. УКМК, ИИМге, Уюшкан кылмыштуулукка каршы күрөшүү башкы башкармалыгына жана Бишкектеги райондук ички иштер бөлүмдөрүнө барып сурадым. Баары эле "небереңиз бизде эмес, аксакал, башка жактан сураңыз" деп чыгарып салып жатышат. Бишкектеги балдар үйлөрүн кыдырып чыктым, ал жерлерде да жок. Келинимди да камап салышкан эле. Анын да кайда экенин айтпай коюшту. Мүмкүн, ошонун жанындадыр. Баланын туулгандыгы тууралуу күбөлүгү жок болгондуктан, баланы бизге беришпейт экен",- деди Итибаев.

Эскерте кетсек, 10-декабрдан 11-декабрга караган түнү Бишкектин Чыгыш-5 кичи районунда террордук уюмдун 2 мүчөсү жок кылынган. Анын бири 16-июлда террорист деп Бишкекте атылып өлтүрүлгөн 37 жаштагы Канатбек Усубалиев аттуу жарандын бир тууган иниси, 1981-жылы туулган Туратбек Усубалиев болуп чыккан. Атасынын айтымында, Туратбек агасын атып өлтүргөндөрдөн өч алмакчы болуп жүргөн.

09:37 18-12-2015

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

17:48 2024-05-04 | Коом жана турмуш

Сузак окуясы боюнча милиция жетекчилери кызматтан алынды 98 0

17:25 2024-05-04 | Коом жана турмуш

Самат Эркинбеков: "Аялды муштум менен эмес, акыл менен деле башкарса болот" 111 0

15:55 2024-05-04 | Коом жана турмуш

Өлкөдө канча соода борбору бар экени белгилүү болду 550 0

15:15 2024-05-04 | Коом жана турмуш

Мамлекет башчы Сузактагы окуядан жабыркаган балдардан кабар алды 697 0

14:44 2024-05-04 | Коом жана турмуш

"Аймактарда жаан жаайт". 5-майга карата аба ырайы 453 0

13:40 2024-05-04 | Кылмыштар, кырсыктар

Оштогу Кызыл-Суу дарыясына түшүп кеткен наристенин сөөгү табылды 805 0

Архив

Комментарийлер (14)

aikol87

2015-12-18 09:47:32

Небересин да атып салышкан болсо эле.

-6

kobra86

2015-12-18 09:50:36

aikol87, Кудай сактасын

uragan007

2015-12-18 10:35:49

Жеке озумдун оюм. Балдарды жашынан жакшы тарбиялаш керек болчу.

amanatym

2015-12-18 10:37:14

жаман жинге тийишти ушулар кармаса эон эле кармаган жок да эмне ле кечке чыгып жатат тескерисинче уялыш керек го баласы кылмыщ кылса.

-5

bazarkyl

2015-12-18 10:43:16

Уялганда буга небересин бирөө таап бермек беле?

amanatym

2015-12-18 10:53:03

bazarkyl,баласын тыйыш керек болчу небересин жакшы корсо.

-4

bazarkyl

2015-12-18 11:28:44

amanatym,балаң мечитке барам, куран,намаз окуп үйрөнөм десе жибербейсинби? Азыр жибербешиң мүмкүн, мурун мындай жок болчу да намаз окуйт десе баары ооо ыймандуу деген.

boss1991

2015-12-18 11:34:23

кылмышкер тем более террорист деп табылган болсо анда мыйам бча соогу корсотулбойт юерилбейт жана комулгон жери корсотулбойт ата-эне жакын туугандарына. мыйзамда ушундай

EdikoKG

2015-12-18 11:47:06

Журтташтар! Биз бул жерде билип-билбей,чын-тогунун иликтебей туруп талкуу кылган туура эмес. Бул нерсенин анык чындыгын бир Кудай гана билбесе,биз-пенде ар нерсени жоромолдоп айта беребиз. Ким билет,мумкун кылмышкер же куноосуз биздин катардагы пендедир? Бийликтин кучтуулугунон эмес,ушундай "курундай"жалаа жапканынан коркуу керек го. Эртен ушуларыбыздын арабыздан "эл душманы","террорист" дедиртип кармап,элге жарыяласа эл ишене берет да,биздин ак экенибизге карабай. Айтуу кыйын.

+12

tursunbaev2004

2015-12-18 12:40:30

EdikoKG,Эн туура айтасын,биз да ошолордун ордунда болуп калышыбыз мумкун

Emil0279

2015-12-18 13:14:41

Турмодон качкандардын бироосунун фамилиямды да Итибаев беле, значит булар тамырлашып кеткенго

-1

Arzyw_92

2015-12-18 21:46:44

Emil0279, ооба Алтынбек Итмбаев деген бар болчу

Parish

2015-12-18 16:34:03

Баардык эле ата энелер балдарын жакшы
акыл ээстуу болсун деп ниет кылышат да
аны озунор деле билесинер.Бирок бир
уйдон бир сасыткы чыгып да калат.
Эми ата энесин жерге чаба бербей жок
дегенде небересин тапканга жардам
беишип койсо жакшы болмок.

Sachko

2015-12-24 16:43:27

Бул нерсени кулак укса да коз корбосун.

Комментарий калтыруу үчүн өз ысымыңыз менен кириңиз же каттоодон өтүңүз.