Кыргыз жеринен башка адамдын паспорту менен Казакстанга өтүүгө аракеттенген жаран кармалды

Кыргыз жеринен башка адамдын паспорту менен Казакстанга өтүүгө аракеттенген жаран кармалды. Бул тууралуу бүгүн, 4-февралда Мамлекеттик чек ара кызматынан билдиришти.

Маалыматка ылайык, кыргыз-казак чек арасындагы “Ак-Тилек унаа жол” көзөмөл-өткөрүү жайынан башка кыргыз жаранынын паспорту менен өтүүгө аракеттенген кыргыз жараны токтотулган. Ал 1989-жылы туулган К.Ж. аттуу жигитке таандык паспортту көрсөткөн. Учурда тиешелүү материалдар толтурулуп, кармалган адам укук коргоо кызматкерлерине өткөрүлүп берилди.

Автор: Мальвина Уметбекова