Төкмө акын Калык Акиевдин 130 жылдыгы Бишкектеги Улуттук китепканада белгиленет. Анда К.Акиевдин өздүк архивиндеги материалдар, ыр, китеп, макала жана сүрөттөр көргөзмөгө коюлмакчы. Иш-чара 25-апрелде өтүп, ага белгилүү маданият ишмерлери, акын-жазуучулар жана шаар тургундары катышат. Айта кетсек, акын Нарын облусунун Жумгал районуна караштуу Кулжыгач айылында 1883-жылы төрөлгөн. Анын айтуусунда “Ач карышкыр” элдик жомогу, “Курманбек”, “Жаныш-Байыш” поэмалары жазылып алынган. Күжүрмөн эмгеги үчүн ага СССРдин Эл артисти наамы ыйгарылган.