Кыргыз улуттук университетинин окутуучулары ректордун мыйзамсыз иштерин министрге айтып беришти (фото)

Демилгечи топ министрликтин алдында.

Демилгечи топ министрдин кабыл алуусун талап кылууда.

Демилгечи топ жыйындар залында.

Билим берүү жана илим министринин кеңешчиси Айбек Жунушалиев каттын келе электигин айтууда.

Депутаттардан келген кат жалпы бөлүмдөн табылды. Ал 18-августта кабылдангандыгы аныкталды.

Жусуп Баласагын атындагы Кыргыз улуттук университетинин ректору Чынара Адамкулова тарабынан мыйзамсыз иштер жасалып жатканын окуу жайдын окутуучуларынан турган демилгечи топ 23-августта билим берүү жана илим министри Эльвира Сариева менен болгон жолугушууда айтып берди.

Окутуучулардын айтымында, окуу жайдын Окумуштуулар кеңешин шайлоодо бир нече мыйзам бузуу болгону такталып, Жогорку Кеңештин тармактык комитети тарабынан түзүлгөн комиссия "шайлоонун жыйынтыгы жокко чыгарылсын" деген чечим чыгарган. Бирок ошого карабастан Чынара Адамкулова 30-августка чейин Окумуштуулар кеңешин кайра шайлоосун өткөрүү тууралуу каттарды даректик түрдө жиберген.

Демилгечи топко алгач жолуккан билим берүү жана илим министринин кеңешчиси Айбек Жунушалиев Жогорку Кеңештин комитетинин чечими келе элек экенин айтып: “Эгер чын эле бизде кат бар болсо, ал катты табалы. Табылса, жетекчиликке айтабыз”, - деген жооп узатты. Жыйынтыгында Жогорку Кеңештин №016190-каты 18-августта келип түшкөнү аныкталды. Мына ошондо демилгечи топтун өкүлдөрү “Билим берүү министрлиги Адамкулованы коргоп жатат” деген күнөө коюшту.

Эльвира Сариева окутуучулар менен болгон жолугушууда аталган иш боюнча өкмөт башчыга кабар жеткени жана министрлик бул тууралуу керектүү ишти жасап жатканын айтты. Ошону менен бирге Адамкулова чакырылганын, ал келгенде маселе толугу менен караларын кошумчалады.

“Эльвира Кубанычбековна, биз катуу чыгындык, аягына чейин барабыз. Керек болсо Жогорку Кеңештин алдына барып түнөйбүз. 600 киши жөн киши эмес”, - деп айтты демилгечи топтун мүчөсү, Улуттук илимдер академиясынын мүчө-корреспонденти Абдыкадыр Садыков.

“Ректор чыгарган буйруктар одоно каталар менен чыгарылган, Билим берүү жана илим министрлигине шилтеме келтирүү мүмкүн эмес эле. Бул маселе боюнча ректорду чакырттык, ал бул жакка келгенде маселенин чоо-жайын билебиз”, - деди министр.

Жыйынтыгында бул кырдаалдан чыгуу үчүн укуктук негиздеги жолдор каралары, ал эми Окумуштуулар кеңешинин шайлоосу токтотулары айтылды.

Билим берүү жана илим министри Эльвира Сариева демилгечи топ менен жолукту

Автор: Аскат Сабыров
Фото: Аскат Сабыров

19:08 23-08-2016

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (4)

Alixan-Nookat.2015

2016-08-23 19:25:15

Эй кыргызым кайда бара жатабыз кайсы тармак болбосун нааразычылыктар, кымбатчылык,чек ара чыры,спорттон ийгиликсиз кайтуу, билим беруу жактары, кылмышкерлер кобойду айта берсе проблема коп булардын баарына бийлик кунолуу бул кетиште биз сазга батабы.Элин жерин ойлогон кучтуу президент озунун командасы менен келип Кыргызстанды онуктурбосо жашоо кыйын боло берет.

tima01

2016-08-23 19:39:26

Жүзүндү аччы гүлчөтай болуптурда.

MAKSLEO

2016-08-23 20:29:52

rektor atambaevdin aialynyn dosu ekenin bilip turup

Beksultan-007

2016-08-24 13:23:26

Кудай буйурса 2017-ж Бабанов президент болсо Кыргызстан он Жакка озгорот. Сабыр кылгыла туугандар

-1

Комментарий калтыруу үчүн өз ысымыңыз менен кириңиз же каттоодон өтүңүз.