Үңкүр-Тоону коргоо комитети элге кайрылуу жолдоду

Үңкүр-Тоону коргоо комитети 24-августта элге кайрылуу жолдогонун "Азаттык" сайты жазып чыкты. Комитеттин кайрылуусунда Өзбекстандын милиция кызматкерлери өзүм билемдик кылып Үңкүр-Тоодогу телемунараны басып алып, жумушчуларын барымтага алып жаткан кезде КТРК аркылуу такталбаган маалымат таратылып жатканына нааразылык айтылган.

“23-августта КТРКнын "Ала-Тоо" маалымат-аналитикалык программасынан "2006-жылы 3-октябрда ошол мезгилдеги президент Курманбек Бакиев Ташкент шаарында №20-протокол менен сатып жиберген” деген такталбаган маалыматты таркатып, Аксы элин дагы дүрбөлөӊгө салды. Эгерде Курманбек Бакиев Ташкент келишиминде өткөрүп жиберген болсо, аны кайсы чакырылыштагы Жогорку Кеӊеш ратификация кылды экен?” деген суроо менен кайрылуу ээлери бийликке бир нече талап коюшкан.

Аны менен бирге коомчулукка такталбаган маалымат таратканы үчүн КТРК жетекчиси Илим Карыпбековдун кызматынан кетүүсүн, Үңкүр-Тоо жана Орто-Токой суу сактагычы боюнча келишимдер кыргыз элинин кызыкчылыгы үчүн иштөөсүн, ММКлар аркылуу туура эмес маалыматтарды берүүнү токтотууну, КТРК жарыялагандай, 2006-жылы 3-октябрда Ташкент келишимине кол коюп, Үңкүр-Тоону Өзбекстанга берип жиберген Адахан Мадумаров менен Азимбек Бекназаров Аксыга келип элге түшүндүрмө берүүсүн, “Ата Мекен” партиясынын төрагасы, Баш мыйзамдын автору Өмүрбек Текебаев да Аксыга келип мыйзамдуулук боюнча так маалымат берүүсүн жана Өзбекстанда барымтада жаткан "Кербен РРС-24" радиорелейдик станциясынын төрт кызматкерин кайтарып алуусун кыргыз бийлигинен талап кылышкан.

Эскерте кетсек, 22-августта Өзбекстандын 7 милиция кызматкери тик учак менен Үңкүр-Тоого келип, 13-августта кармалган ИИМ кызматкерин бошотуу талабын коюп, кыргыз чек арачылары менен сүйлөшүү жүргүзгөн. Ошондой эле жолугушууда Ала-Бука районундагы Орто-Токой суу сактагычынан Кыргыз мамлекетинин милиция постун алып салууну талап кылышкан. Алардын талабына ылайык, Өзбекстандын ИИМ кызматкери бошотулган. Бирок Үңкүр-Тоодогу телемунарада иштеген 4 кызматкерди кармап кетип, камап коюшканы бүгүн белгилүү болду. Чек ара кызматы 4 жаранды бошотуп алуу боюнча сүйлөшүүлөрдү жүргүзүп жатат.

Автор: Жамалидин Парманкулов

23:10 24-08-2016

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (41)

Komrad

2016-08-25 07:17:23

Эгер согуш болсо депутаттар барабы же барбайбы??

nurkasym-2014

2016-08-25 07:52:05

Кенедей 6 миллион элибизге 120 дерпуттатын кереги бар беле.Булар революция боло электе эле бийликти болушуп алышкан экен корсо.Калп эле парламенттик башкарууга отобуз деп чалмакейдин баарын чалып атышат.Эл учун иштеген бир катуу киши келсе Кыргызстан 5-10жылда кандай кулдогон мамлекет болоор эле.Оо калайык калк келгиле бир женге,бир жакага биригип учурдагы бийликти туп тамырынан жоготобуз.Болбосо бул бийлик тура берсе олкобуз жакын арада алдыга эмес артка кеткени кеткен.

bakulya2015

2016-08-25 08:03:50

Тооба кылдым. Коменттарийлер окуп элиме конулум ооруду. Ушунча куйуп жазып жатабыз бирок бул жазгандарыбыз аларга бари бирда. Бакиев мынти,анти дейт бирок ал убакта мынчалык кыйынчылыкта жашоочу эмесбиз. Убагында бироого гор казсан озу тушот дечуу эле бир болсо бийликтин ошол убагы келди. Атамбаев озунун эки буту менен келип ошол элден кабар албайбы же коркобу тушунуксуз. Азыр олко башчыбыз алсыз деп ойлойм,себеби элге куйгон адам жок жогорудагылар да айтат ээээ олко башчыбыз ун чыкпай олтурат б

bakulya2015

2016-08-25 08:07:02

Элиме тынчтык каалайм,баарыныздар аман эле болунуздар

Mirkgz-1990

2016-08-25 08:37:37

Өзүңөр чычып алып деле Бакиев күнөөлү дей бергиле эми ..Атамбаев өзүңдү кантип бийликте калтуруунун жолун издебей чек араларды тактап кыргыз жери үчүн тик туруп ушул учурда чечкиндүү кадамдарга барсаң кыргыз эли өзү эле алып калмак .. аз калды каякка качат экенсиңер Турция болбой калды го а

ulan030484

2016-08-25 09:13:08

Жалал-Абад, Ош, Баткен эли унутта калдык окшоооооойт. Ыйлагым келип турат. Колуман эч демке келбейт да

admin_portal

2016-08-25 09:29:36

Sharos3, World_of_tanks, этика нормаларын сактаңыз! Провокация жарата турган билдирүүлөргө жол берилбейт! 5 күн БАНга!

admin_portal

2016-08-25 09:33:39

ilyaz85, аймактык бөлүү же бөлүнүүчүлүк маанисиндеги билдирүүлөрдү калтырууга, кимдир-бирөөнү кемсинтип, мазактоого тыюу салынат! 10 күн БАНга!

Sirduusezim

2016-08-25 09:36:37

Саламатсыздарбы? Менда окуп кыжырым аябай келип жатат. Бул [moderated]дерди эмне кылса болот, бийликтегилердин кичине болсода патриотук сезими барбы?

Sirduusezim

2016-08-25 09:38:56

Pirimkul

2016-08-25 09:39:43

Атамбайды дагы шайлагыла омур бою кетпей турган кылып.

admin_portal

2016-08-25 09:41:29

ainur78007, кимдир-бирөөнүн кадыр-баркына шек келитирген билдирүүлөрдөн алыс болууну сунуштайбыз!

admin_portal

2016-08-25 10:16:29

askat2501, адепсиз, уят сөздөрдү колдонууга тыюу салынат!

travma

2016-08-25 10:49:39

Форумчулар кызыксынар силер,эгер мамлекетибиз кедей болсо,эли жалкоо болсо,биримдик болбосо ушинтип борулор тиштеп кетет ар жерибизден,эмнеге президент кунолуу ок атайын десе кучуу жетбейт,кайрылайын десе ички проблема,Мисалы: ордуна койгула озунорду силер президент болгондо эмне кылат эленеге?эмне Текебаев Бабанов келип эмнени озгортот?(жаштардв коюш керек)

-1

gulsin

2016-08-25 14:41:45

ХХХ ХХХ ХХХ ошол Аксы элине алып барыш керек

admin_portal

2016-08-25 14:55:38

gulsin, кимдир-бирөөнүн кадыр баркына шек келтирген билдирүү жазуудан алыс болууну сунуштайбыз!

Комментарий калтыруу үчүн өз ысымыңыз менен кириңиз же каттоодон өтүңүз.