Экотехинспекция Чолпон-Ата шаарындагы ипподромду пайдаланууга уруксат берди

Чолпон-Ата шаарындагы ипподром бардык техникалык коопсуздук талаптарына жооп берет. Бул тууралуу бүгүн, 1-сентябрда Мамлекеттик экологиялык-техникалык инспекциядан билдиришти.

Бүгүн Чолпон-Ата шаарындагы ат майдандын курулушу толугу менен аяктап, аталган инспекциянын кызматкерлери тарабынан текшерүүгө алынган. Анын жыйынтыгында экологиялык жана техникалык коопсуздук талаптары канааттандырарлык деп табылып, пайдаланууга уруксат берилди.

“Ат майдан 7 ай аралыгында курулуп бүттү. Кыска мөөнөт ичинде курулса да, бардык техникалык коопсуздук талаптарына жооп берет. Учурда ат майдан II Дүйнөлүк көчмөндөр оюндарын өткөрүүгө толугу менен даяр”, - деп билдиришти Мамлекеттик экологиялык-техникалык инспекциясынан.

Автор: Бекжан Рыскулов