Өкмөттүн жыйынында интернеттин кымбатташы тууралуу маселе каралды

Кыргыз Республикасынын Премьер-министри Сооронбай Жээнбеков бүгүн, 14-сентябрда SUPER.KG порталы көтөргөн интернеттин кымбатташы тууралуу маселе боюнча жыйын өткөрдү.

"Интернет азыркы коомдун жашоосунун ажырагыс бөлүгү болуп калды, интернетке карата баанын жогорулатылышы коомчулукта терс пикирди пайда кылды. Бул интернет колдонуучулардын табигый реакциясы. Түзүлгөн кырдаалда, маселе саясатка айланып кеткенде чечкиндүү иш алып барып, биздин өнөктөштөр менен сүйлөшүүлөрдү жүргүзүп, альтернативдүү интернет жеткирүүчүлөрдү издөө керек. Биз күн сайын интернет колдонгон өзүбүздүн жарандардын кызыкчылыгын коргошубуз зарыл", - деди премьер-министр.

Кыргыз Республикасынын Маалыматтык технологиялар жана байланыш мамлекеттик комитетинин төрагасы Бакыт Шаршембиев учурда казакстандык кесиптештер менен кыргыз интернет-провайдерлери үчүн интернетке карата тарифтин көтөрүлүшүнүн негиздүүлүгү тууралуу активдүү сүйлөшүүлөр жүрүп жатканын билдирди.

Кыргыз Республикасынын Өкмөтүнө караштуу Монополияга каршы жөнгө салуу мамлекеттик агенттигинин директору Болсунбек Казаков маалымдагандай, Казакстандын тийиштүү мекемелери менен сүйлөшүүлөр жүргүзүлүп, түзүлгөн абал иликтенүүдө. Анын айтымында, аталган маселени 2016-жылдын сентябрь айынын соңунда өтүүчү Евразиялык экономикалык комиссиянын жүрүшүндө көтөрүү пландаштырылууда.

"Учурда ата мекендик провайдерлер менен биргеликте казакстандык ташып келүүчүлөр менен кызматташуунун ченемдик базаларын иликтеп жатабыз. Жакынкы арада биз Казакстандын Улуттук экономика министрлигинин Табигый монополия жана атаандаштыкты коргоону жөнгө салуу боюнча комитетине биздин интернет-провайдерлер үчүн интернетке тарифтердин жогорулатылышына тийиштүү эксперттик корутундуну сунуштайбыз", - деп маалымдады Казаков.

Кеңешменин жыйынтыгы боюнча Сооронбай Жээнбеков эки мекеменин жетекчилерине түзүлгөн кырдаалды тез арада чечүү үчүн альтернативдик жеткирүүчүлөр менен кызматташуу мүмкүндүгүн карап чыгып, өнөктөштөр менен сүйлөшүү процессин тездетүүнү тапшырды.

Автор: Үмүт Абдраимова

17:39 14-09-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (7)

argen.96osh

2016-09-14 18:32:48

интернеттин баасын жогорулатса связды нормальный кылып берсин. Азыр элдер арзан интернетте деле жыргап жатышкан жок ылдамдыгы ото аз.

Grand

2016-09-14 18:50:59

Эй чоңдор, келгиле бюджеттен акча алып, орустарга ТВ жана Интернетке өзүбүзгө спутник курдурайлы. Баарибир жееп атасыңарго. Казактар "KazSat", Азерлер "AzerSpace" деген спутник куруп, жыргап атышат, интернет тыйын, ТВ деле тыйын. Эхх.

kaidiger

2016-09-14 19:49:16

Мен азыр айына 900сом толойм интернет 2.5-3эсе кымбаттайт деп атышат ошондо мен айына2700 толоп каламбы??Анда интернети жок эле жашай берем

Uson13

2016-09-14 19:57:34

Талкулай турган башка маселе калбай калгандай интернетти талкуулапсыңарда интернет жоголуп кетседа мейли андан көрө чек араны чечкиле

Sharos3

2016-09-14 22:18:21

Мискенбай дагы чыга баштаптыр

Sharos3

2016-09-15 09:18:34

Мискенбайга кожобек рыспаев
деген кошулуптур

guard

2016-09-15 01:53:14

Uson13,Чек араны да, интернетти да чечишсин, башка толтура маселелер бар чечиле элек, ошолордун баарын чечишсин, болбосо андай кызматта эмне журушот элден чогулган налогдун эсебинен айлык алышып, эл козуно коруно турган бир иш жасап коюшса болот эле ушулар. Мындай кызматтарга алдын ала коро билген корогоч инсандардан койсо, эмне керек болгондо чуркайт дечу эле, ошондой болуп чуркап калышат да куйгузуп...

Комментарий калтыруу үчүн өз ысымыңыз менен кириңиз же каттоодон өтүңүз.