Бишкек. "Ош базардын" тегерегинде короосун тосуп алууга аракеттенгендер менен эл макулдаша албай жатат (фото)

Бишкек шаарындагы Бейшеналиева көчөсүнүн №207-үйүнүн жашоочулары жөө адам өтүүчү жолду тосуп жатканына нааразы болушууда. SUPER.KG порталы окуя менен жеринде таанышып кайтты.

Жергиликтүү жашоочу Анархан Жумабаева: "Биз бул жолду тосуп жатканына нааразы болуп жатабыз, анткени 29-А-үйдүн жашоочулары жөө адамдар өтүүчү жолду тосуп жатышат. Архитектура жана мэриядан адистер келип маселебизди чечип беришсин", - деди ал.

Ал эми Бейшеналиева көчөсүнүн №29-көп кабаттуу үйүнүн жашоочулары кошуналардын оюна кошулушпайт. Өзүн Аскер Букуев деп тааныштарган адам: "Биз "Ош базарга" жакын жашайбыз. Үйүбүздүн алдынан кошуна жашагандар, таптакыр тиешеси жок адамдар көп өтүшөт. Алардын үйдүн алдынан өткөнүнө каршы эмеспиз, бирок айрымдар таштандыларды таштап өтүшөт. Кээ бири ичип алып эшиктин алдында жатышат. Балдарыбыз коркушат. Аларга терс таасир берет экен. Ыплас иштерди жасап, түнү менен кыйкырышып, уйку беришпейт", - деген оюн билдирди.

Маалыматты тактоо максатында №29-А көп кабаттуу үйдүн айланасына көз чаптырдык. Жашоочулардын айтканындай спирт ичимдигин ичип алган адам үйдүн алдында жаткан экен. Ошондой эле эшик алдына ташталган таштандыларга күбө болдук.

"Бул аймакты тосууга мүмкүн эмес болчу, бирок жөө адамдар өтүүчү жолду тосуп алышыптыр. Эми бул боюнча архитектура мыйзамсыз экендигин тактап, чечим чыгарып берсе, биз мыйзам чегинде иш жүргүзүп, тартипке келтиребиз", - дейт Ленин районунун аймактык инспектору.

Автор: Акназар Сулайманкулов
Фото: Акназар Сулайманкулов

18:19 23-09-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (3)

Rifle_S

2016-09-23 21:05:54

Бүт айылдан келген бекерчилер ичип жүрө беришет Ош базардын тегерегинде. Уктап жаткан бала да бекерчилердин катарын толуктап, бомж болууга резюме берип жатат.

abusait

2016-09-23 23:25:43

Базар эмес эле бомждор толгон бардак базарго.. . таштандыга толгон кочолору, башаламан соодагерлер ити дагы бити дагы ош базарда. Эч бир тазалыкты сактайын деген адам жок. Бир кун барибир социалдык жарылуу болотко бул жерде.

fanatka19

2016-09-25 12:57:46

Ар бир жашоочууга тынчтык керек.бул жерде сойкулар түнкүсүн көп жүрөт,ошондон тажап тосуп алышкандыр да.

Комментарий калтыруу үчүн өз ысымыңыз менен кириңиз же каттоодон өтүңүз.