Аукциондо сатылган номурлардан түшкөн каражаттын 91 пайызы мамлекеттин казынасына жумшалат

Аукциондо сатылган номурлардан түшкөн каражаттын 91 пайызы мамлекеттин казынасына которулат. Бул тууралуу бүгүн, 29-сентябрда Мамлекеттик каттоо кызматынын басма сөз катчысы Мелис Эржигитов билдирди.

"Аукционго коюлуп сатылган номурлардын 9 пайызы Мамлекеттик каттоо кызматынын казынасына калтырылып, ички чыгымдар жана керектөөлөр үчүн, ошондой эле аукционду өнүктүрүү үчүн жумшалат. Сатылган номурларды сатып алуучу 3 жумушчу күнүндө акчасын төлөп алып кетүүсү керек. Эгерде 3 күн ичинде алып кетпесе, анда аукционго катышкандагы баштапкы баага коюлган сумманын 10 пайызы алынат", - деп билдирди басма сөз катчысы.

Маалыматка ылайык, сатып алуучу алып кетпеген номур үчүн кайрадан аукцион жарыяланып, өткөрүлөт. 28-сентябрда өткөрүлгөн аукциондо 594 миң сомго сатылган номурдун баштапкы баасы 70 миң сом болгон. Мамлекеттик каттоо кызматы катардагы номурларга 1100 сом деген баа койгон.

"Акыркы 10 күн аралыгында аукцион менен сатылган номурлардан 3 миллион сомдон ашуун каражат түшкөн. 3 сандуу жаңы номур чыккандан бери 35 миң номур сатылды. Анын ичинен KG 777 ААА номуру 1 миллион 716 миң сомго сатылды. Бул сумма эң жогорку ченди кармаган баа болуп калышы ыктымал", - деп кошумчалады Эржигитов.

Эске салсак, кийинки жолу өткөрүлүүчү аукцион 3-октябрга белгиленген. Мындан ары номур сатуу үчүн ай сайын аукцион уюштурулуп турмакчы. Буга чейин 28-сентябрда өткөрүлгөн аукциондо 01 001 ААА номуру 594 миң сомго сатылган.

Автор: Акназар Сулайманкулов
Фото: Интернеттен алынды

11:49 29-09-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (10)

Patriot..kg

2016-09-29 11:51:00

9% чонтоко урат бекен?

Aylin.91kg

2016-09-29 12:00:23

Азыр эле 777 ААА номерин 1,6 млн го чыгыптыр жакшы го дейли, бирок жашоо учун курошуп жаткан канчалаган акчага муктаж инсандар бар, баарын эмес жарымын берсе деле сообун алмак!

nemo2016

2016-09-29 12:06:17

Кыргызстанда номерине карап жолун тос болуп калабы

Seryi-Kardinal

2016-09-29 13:52:34

bul nomerlerdi 4ernyilar alsa kerek

Erl017

2016-09-29 12:37:53

Бирок эч ким жебесе деп кошуп койбоптур

Riokyrgyz

2016-09-29 13:03:59

Чиновниктердин жеп ичкендерине,жол киресине айлыгына дегени да.элди ойлобой калды го булар.

nur_zhoni

2016-09-29 13:55:46

Супер кг бишкек шаарына 01 номери болсо башка облустарга берилген номерлер жонундо маалымат берип коюнуздарчы

Гүлжан Асанкожоева

2016-09-29 15:18:33

nur_zhoni, бардык маалымат бул шилтемеде http://www.super.kg/kabar/news/131415/

nur_zhoni

2016-09-29 13:57:00

Супер кг 01. 02. Автоуна номерлери боюнча маалымат берип коюнуздарчы

RASTAMAN

2016-09-30 16:45:58

kazynaga baryp, kaira ele ozdorunun chontoguno tuwot da))

Комментарий калтыруу үчүн өз ысымыңыз менен кириңиз же каттоодон өтүңүз.