Өлкөдө айыл чарба өндүрүмдүүлүгүн жогорулатуу максатында 38 миллион долларды түзгөн долбоор ишке кирет

Өлкөдө айыл чарба өндүрүмдүүлүгүн жогорулатуу максатында 38 миллион долларды түзгөн долбоор ишке кирет. Бул тууралуу бүгүн, 19-октябрда Айыл чарба, тамак-аш өнөр жайы жана мелиорация министрлигинин басма сөз кызматынан билдиришти.

Маалыматка ылайык, суу тармагын жакшыртуу жана азык-түлүк коопсуздугун жоюу максатында көрүлүп жаткан аракет 2016-жылдан 2021-жылга чейин 5 жыл аралыгында ишке ашырылат.

"Айыл чарба багытында ишке ашырылып жаткан долбоордун жалпы суммасы 38 миллион АКШ долларына бааланат. Бул каражатты айыл чарба жана азык-түлүк коопсуздугу боюнча "Глобалдык программа" каржылайт. Жумуштун аткарылышын Суу чарба жана мелиорация департаменти ишке ашырат. Долбоорго өлкөнүн тандалып алынган райондору кирет", - деп билдирди басма сөз кызматы.

Маалым болгондой, долбоордун жүрүшүндө ирригациялык инфраструктураларды калыбына келтирүү жана модернизациялоо, ошондой эле айыл чарбалык консультациялык кызмат көрсөтүү, азыктануунун сапатын жакшыртуу иштери аткарылат.

Автор: Акназар Сулайманкулов