Конституцияны өзгөртүүгө каршы чыккан "Бир болдун" эки депутаты КСДП жана "Кыргызстан" менен биригүүдөн баш тартты

Жогорку Кеңештин "Бир бол" фракциясынан эки депутат Чолпон Жакупова жана Мыктыбек Абдылдаев коалициялык көпчүлүккө кирүүдөн баш тартты. Бул тууралуу алар бүгүн, 4-ноябрда SUPER.KG порталына ырасташты.

Алардын айтымында, Конституцияга өзгөртүүлөрдү киргизүү үчүн референдумду өткөрүүгө каршы позициялары коалициялык келишимге кол койбоого себеп болду.

Айта кетсек, кечээ, 3-ноябрда жаңы альянс түзүлүп, ага КСДП (38 мандат), "Кыргызстан" (18 мандат) жана "Бир бол" (12 мандат) фракциялары кирип, жетекчилигине Иса Өмүркулов шайланды. Оппозицияда "Ата Мекен", "Өнүгүү-Прогресс" жана "Республика-Ата Журт" фракциялары калды.