"Дыйкан" базарында иштеген 100 адам президенттен базарды жабууну суранды

Базарга коюлган таштанды таштоочу чакалар

Унаа токтоочу жай

"Дыйкан" базары коюлган талаптарды толук кандуу аткарган жок. Бул тууралуу бүгүн, 16-ноябрда Бишкек шаардык мэриясынын басма сөз кызматынан билдиришти.

"Буга чейин Экологиялык жана техникалык коопсуздук боюнча мамлекеттик инспекциянын чечими менен базарды жабуу талабы коюлган. Ал үчүн мөөнөт берилип, базарды калыбына келтирүү, санитардык абалын жакшыртуу, жол тыгынын жоюу сыяктуу шарттарды аткаруу каралган. Бүгүнкү күндө коюлган талаптардын айрымдары аткарылбай келет", - деп билдирди басма сөз кызматы.

Маалым болгондой, "Дыйкан" базарында эмгектенген соодагерлер президент Алмазбек Атамбаевге кайрылуу жасап, базардын жабылышын суранышты.

"Базарда иштегенге эч кандай шарт түзүлгөн эмес. Жол тыгынынан улам соода жайларыбызга кире албай калган учурлар болот. Базардын администрациясы араба айдап иштеген балдарды коркутуп, аларга акча берип, "базар жабылбасын" деген талап менен Ак үйдүн алдына митингге чыгарып жатат. Чукул арада бизге ыңгайлуу жер бөлүп берүүңүздү сурайбыз", - деп кайрылуу жасап, 100 адам кол коюп, байланыш номурларын калтырышкан.

Ал эми "Дыйкан" базарынын жетекчилиги SUPER.KG порталына талаптардын баарын аткарганын билдирген.

"Биз Ленин райондук администрациясы менен Экологиялык жана техникалык коопсуздук боюнча мамлекеттик инспекциясынын талаптарын аткардык. Өрт коопсуздугу, тазалыгы, жол тыгыны боюнча жана башка талаптардын баарын аткардык", - дешкен базардын администрациясынан.

Автор: Акназар Сулайманкулов
Фото: Бишкек шаардык мэриясынын<br>басма сөз кызматы

10:36 16-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (7)

adyl.xxxxx

2016-11-16 10:59:14

Эптеп ушул базарды жабыш керек экен да, бул 100 адам канча акчага сатылды экен?

future_kg

2016-11-16 11:54:21

Башкы чекисттин документы жалган чыгып жаткандан кийин , булардын кол коюп Берген кагазына Ким ишенет? Шарт жок болсо , Дордой -дыйканга барып иштегиле ?

beka123

2016-11-16 12:08:44

Таза кызык экен го булар.телефон номерлерин ачык эле жарыялап коюптур Эми коркутуп уркутуулор болоор бекен?

mambo-1984

2016-11-16 12:34:05

бул акимдин жазаганы гарантия атак канча адамдын убалына калар экен ошол аким ХХХ

admin_portal

2016-11-16 12:42:01

mambo-1984, этика нормаларын сактаңыз!

-1

Kanzada97

2016-11-16 13:04:17

негизи ушул дыйкан базарын.соода сатыгын коюп туруп президент тарабынан ремонттолуп тазаланып ишке берилсе жакшы болмок эле да кышка чейин

BARSBEK.KG

2016-11-16 19:33:37

Кайран салымбеков баарын алмай болду озуно

Комментарий калтыруу үчүн өз ысымыңыз менен кириңиз же каттоодон өтүңүз.