Бишкектин көчөлөрүн муз каптап, Ак үйдүн короосунда сынган дарактар алынбай жатат (фото)

Кулаган дарактарды иретке келтирип жаткан жумушчу

Студенттер муз каптаган тротуарды тазалашты.

Эки күн мурда кулаган дарак алынбай жатат.

Жолго кулап калуу коркунучунда турган арча

Короосундагы карды жолго алып чыгып жаткан тургун

Өмүргө коркунуч жараткан эс алуу багы

Жылгаяктан абайлап бараткан жашоочулар

Эки күн бою кар күрөп чарчаган жумушчунун күрөгү

"Ала-Тоо" аянтына кол менен кум чачып жаткан жумушчу

Ак үйдүн короосунда күндүз жанып турган жарык

Ак үйдүн короосундагы бутагы сынган дарак

Бишкек шаарында унаа жолдор, жөө адамдар жүрүүчү тротуарлар тазаланбай, муз каптап жатат. Жашоочулар тротуарлардагы жылгаяктан басуудан кооптонушса, айдоочуларда да ошол эле көрүнүш. Бишкек шаардык "Тазалык" ишканасы борбордук көчөлөргө тонналган туз, кумдарды чачканы менен, башка көчөлөр тайгак бойдон калууда. Ал эми туз жана кум чачылган жолдордогу кар эрип, эриген кар атайын техникалар менен тазаланбай жатса, айрым туз, кум себилген жолдордо кар толугу менен эрип кеткен эмес, бул айдоочуларга ыңгайсыздык жаратып жатат.

Мындан сырткары калың кардан улам жол боюндагы жана эс алуу бактарында жүздөгөн дарактар кулаган болсо, кулап калуу коркунучунда турган дарактар да арбын экени көрүнүп турат. Алардын айрымдарынын унаа жолдоруна түшүү коркунучу бар. Ал эми Ак үйдүн короосунда да шаардагыдай баш аламан абал. Сынып, тосмого илинген дарак алынбай жатса, ошол эле тосмодо түнү бою жанган жарык күндүзгү саат 11:00 чамасында да өчпөй турганын көрүүгө болот.

Тротуардагы тайгалакта басуу кооптуу болгондуктан, кээ бир жогорку окуу жайдын студенттери тыныгууда муздарды тазалап жүрүшөт. Ошол эле учурда ар бир ишкана, тургундар өз короосун тазалап, иретке келтирүү аракетин көрүп жатышса, айрымдары короодогу карды араба менен унаа жолдун боюна алып чыгып таштоодо.

Эске салсак, Бишкек шаардык мэрия буга чейин жолдорго 495 тонна кум, 37 тонна туз чачылганын билдирген.

Автор: Акназар Сулайманкулов
Фото: Акназар Сулайманкулов

16:02 21-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 124 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 103 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 62 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 153 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 553 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 267 0

Архив

Комментарийлер (3)

stimyl.kg

2016-11-21 16:48:21

Бишкек мэрия башчысы ажобуздун жакыны СДПКнын адамы эмеспи,ошондуктан ага баарибир тазаланабы жокпу. Карапиар менен алектенишпей ушак куушпай борборубузду иретке келтирип жашоочуларына ынгайлуу мумкундукторду тузушсо боло байболгурлар. Уят эле шаар эмес эле тээ алыскы айылдан айрасы жок болуп калыптыр. Байкуш жол тазалаган жумушчуларды айаясын кол менен болсо да тазалашып жатышат.

KyrgyzKagan

2016-11-22 00:02:06

Ак уйдун алдында ушул корунуш болсо анда башка жерлерди соз кылып кереги деле жок.

DIMARAT

2016-11-22 13:11:32

бетим иийй бетим ий бетим буларын ак уйдун алдын акыркы жолу жазда корсо керек арт жагынанан кирип чыгып жатса

Комментарий калтыруу үчүн өз ысымыңыз менен кириңиз же каттоодон өтүңүз.