Экотехинспекция: "Бишкекте дарактардын кулоо коркунучу сакталып турат"

Экологиялык жана техникалык коопсуздук боюнча мамлекеттик инспекция Бишкек шаарында дарактардын кулоо коркунучу дагы да болсо сакталып турганын кабарлады.

Маалыматка ылайык, баш калаадагы дарактардын көбү 1950-60-жылдары отургузулган. Бүгүнкү күндө алардын эскилиги жеткен. "Суу кардын нормадан ашык көлөмдө жааганы дарактардын кулашына алып келип жатат. Элден көчөдө, сейил бактарда абайлап жүрүүнү суранабыз", - деп жазылат маалыматта.

Кошумчалай кетсек, Бишкек боюнча 4 күндүн ичинде суулуу кардын айынан сынган 194 бутак, 73 дарак жыйналган.

Автор: Максат Кудайбердиев