Бишкек-Ош жолунун 224-чакырымы жеңил унаалар үчүн ачылды

Бишкек-Ош жолунун 224-чакырымында - Ала-Бел ашуусуна түшкөн 12 600 метр куб кар көчкү тазаланып, бүгүн, 24-декабрда саат 03:00 чамасында жол жеңил унаалар үчүн ачылды. Бул тууралуу SUPER.KG порталына Жалал-Абад облусунун Патрулдук милиция кызматы билдирди.

"Кар көчкү тазаланды, жол жеңил унааларга ачык, оор жүк ташуучу унааларга азырынча чектөө бар", - деди ага лейтенант Замир Иманбеков.

Эскерте кетсек, Бишкек-Ош жолунун 224-чакырымына түшкөн кар көчкү Мерседес Гигант унаасын жол жээгине сүрүп чыккан. Ушул эле чакырымга экинчи ирет түшкөн кар көчкү дагы бир Мерседес Гигант унаасын оодарган.

Автор: Үмүт Абдраимова
Фото: Чыңгыз Убайдылдаев