Авиакырсык: 17-январь өлкөдө аза күтүү күнү деп жарыяланды

Бишкектин четиндеги авиакырсыкка байланыштуу Кыргыз Республикасында 17-январь аза күтүү күнү деп жарыяланды. Маалыматты бүгүн, 16-январда президенттик аппараттан билдиришти. Буйрукта булар айтылат:

Кыргыз Республикасында 2017-жылдын 17-январы аза күтүү күнү деп жарыялансын.
Аза күтүү күнү Кыргыз Республикасынын бүткүл аймагында, ошондой эле чет өлкөдөгү дипломатиялык жана консулдук өкүлчүлүктөрдүн имараттарында Кыргыз Республикасынын Мамлекеттик туусу түшүрүлсүн.
Кыргыз Республикасынын маданият мекемелерине жана телерадиокомпанияларына аза күтүү күнү оюн-зоок иш-чараларын жана берүүлөрүн токтотуу сунушталсын.
Кыргыз Республикасынын Өкмөтү жергиликтүү өз алдынча башкаруу органдары менен бирдикте каза болгондордун үй-бүлөлөрүнө жана жабыр тарткандарга керектүү жардамдарды берип, колдоо көрсөтсүн.
Бул жарлык кол коюлган күндөн баштап күчүнө кирет.

Эскерте кетсек, бүгүн таңга маал Курулуш башкармалыгынын дачаларындагы (Дачи СУ) үйлөрдүн үстүнө Боинг учагы кулаган. Гонконг-Стамбул багытында бараткан жүк ташуучу Бишкекке май куюу үчүн конууну көздөгөнү айтылды. Бишкектен май куюп алып, андан ары Түркияга учмак. Акыркы маалыматтар боюнча, каза тапкандардын саны 35ке жетти. Булардын төртөөсү экипаж мүчөлөрү, калгандары жергиликтүү жашоочулар. Оор абалда ооруканада жаткандар дагы бар. Окуя болгон жерде Өзгөчө кырдаалдар министрлигинин, Транспорт жана жол министрлигинин жетекчилери, премьер-министр жүрөт. Аэропорт убактылуу жабылды.

Акыркы жолу өлкөдө 2016-жылдын 29-августунда аза күтүү күнү жарыяланган. Бул чечим Орусияда өрт кырсыгынан 14 Кыргыз жаранынын каза болушунан улам кабыл алынган.

Автор: Автандил Добулбеков

13:06 16-01-2017

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (9)

Seryi-Kardinal

2017-01-16 11:46:59

Баардыгы бейишке чыгышсын!

juma11anara

2017-01-16 11:56:39

Ошондо аза кутуу куну качан?

-5

Begimkyz.

2017-01-16 13:07:30

juma11anara,Эртен 17.01.2017 жыл!!!

juma11anara

2017-01-16 13:17:39

Begimkyz.,Кеч болсо да рахмат маалыматынызга.

Patriotkgz93

2017-01-16 13:19:56

Begimkyz.,Аллахым жаман кырсыктан өзү сактасын Кыргыз элимди

Nur1k

2017-01-16 13:18:17

juma11anara, сага каза болгондон да аза кутуу куну маанилуу окшойт э? Эхх эмне дешимди да билбей турам жаткан жерлеруу жайлуу топурагы торко болсун(((

Mahabat84

2017-01-16 13:15:00

Жаман болуптур,конул айтабыз

airada

2017-01-16 17:53:16

жаткан жерлери жайлуу, топурагы торко болсун.

Ylykbek1990

2017-01-19 13:12:04

Жаткан жерлери жайлуу, топурагы торко болсун

Комментарий калтыруу үчүн өз ысымыңыз менен кириңиз же каттоодон өтүңүз.