Баткен. Тажиктер үйлөрүнө таркашып, абал турукташа баштады

Ушул сааттарга чейин Баткендин Ак-Сай айылында кыргыз-тажик жарандарынын тиреши уланып турду. Учурда чырдын башталышына себепчи болгон Тажикстандын Ворух анклавынын жашоочулары үйлөрүнө таркап жатышат. Окуя болгон жерден кыргыздар таркай элек. Аймактык кабарчыбыз билдиргендей, учурда абал бир аз турукташа баштады.

Айта кетсек, бүгүн, 27-апрелде аталган анклавда жашаган тажик жарандары жол куруп жаткан кыргыздарга каршылык көрсөтүп, иштеп жаткан тракторлорду талкалап салышкан.

Автор: Автандил Добулбеков